बैतडीको पाटन नगरपालिका वडा नं १० मा कोरोना जोखिम नियन्त्रणको टोल समिती गठन गरिएको छ । कोरोनाको जोखिम नियन्त्रण गर्नको लागि टोलमा सतर्कता अपनाउन प्रेरीत गर्नकोलागि समिति गठन गरिएको हो । आज वडा कार्यालयमा वडा अध्यक्ष देवेन्द्र कुवँरको अध्यक्षतामा बसेको सर्बपक्षिय बैठकबाट साबिकका ९ वटै वडाहरुको टोल समिति गठन गरिएको हो ।
उक्त बैठकबाट कोरोनाको जोखिमबाट बच्नको लागि भारत तथा अन्य संक्रमित क्षेत्रबाट आएकाहरुलाई अनियवार्य होम क्वारेन्टाइनमा बस्न सल्लाह दिने र परिवारबाट कार्यान्वयन गराउने, होम आइसोलेसनमा बसेका कोरोना संक्रमितहरुको स्वास्थ्य अवस्था अनुसार उपचारको लागि ब्यवस्था मिलाउन सम्बन्धित निकायद्धारा पहल चाल्ने लगायतका कार्यक्रमहरु सञ्चालन गरिने वडा अध्यक्ष देवेन्द्र कुवँरले जानकारी दिनुभयो ।
यसैगरी स्वास्थ्य स्वयमसेविकाद्धारा गाँउगाँउमा सचेतना फैलाउने कार्यक्रम पनि रहेको उहाले बताउनुभयो ।बिसेसगरी बाह्य क्षेत्रबाट आएकाहरुलाई अनिवार्य होम क्वारेन्टाइनमा बसाउन प्रेरीत गर्ने, संक्रमितको सम्पर्कमा आएकाहरुलाई परिक्षण गराउन लगाइने छ ।
आजको बैठकमा वडाअध्यक्ष लगायत सबै जनप्रतिनिधि, सुरक्षा नियकाका प्रतिनिधि, बिद्यालयका प्रधानाध्यापक, स्वास्थयकर्मी राजनितिककर्मी, समाजसेवि, लगायतका प्रतिनिधिहरुको सहभागिता रहेको थियो । (कृष्ण बिष्टले radio7star मा लेखेका छन्)