बैतडी– बैतडीका एक जना ५ दिन देखि बेपत्ता भएका छन् । जिल्लाको पुर्चाैडी नगरपालिका वडा नं ७ का ४६ वर्षीय ठगी साउद विगत ५ दिन देखि बेपत्ता भएका हुन ।
पारिवारिक स्रोतका अनुसार बझाङको दुर्गाथली गाँउपालिका २ जुजीमा मजदुरी गर्दै आएका ४६ वर्षीय ठगी यही चैत्र २२ गते राती ११ बजे बेपत्ता भएका हुन् ।
बेपत्ता साउदसँगै काम गर्ने गमी सावदले साँझको खाना खाएर सुतीसकेपछि राति बाहिर गएका सो बेलादेखि गायब भएका बताउनुभएको छ ।
खोजतलासका लागि प्रहरी लाई गुहार्ने भन्दै बेपत्ता ठगी साउदका भतिजा सुरेन्द्र साउदले फेला पार्नुहुने जो कसैले पनि प्रहरीलाई खबर गरिदिने अनुरोध गरेका छन् ।
गत मंसीर २८ गते दैनिक ज्यालादारीमा काम गर्न बझाङ गएका उनि उतैबाट बेपत्ता भएपछि परिवार बिचल्लीमा परेको छ ।
(रेडियो बैतडीबाट साभार)