बुधबार नगरपालिकाको वडा नम्बर १० स्थित पुर्व पश्चिम राजमार्गको दैजी बजारमा अस्थायी ट्राफिक प्रहरी पोस्ट स्थापना गरिएको हो।
बढ्दो सडक दुर्घटना न्यूनीकरणका लागि दैजी चोकमा प्रहरी पोस्ट स्थापना गरिएको उक्त नगरपालिकाका नगर प्रमुख अशोक चन्दले बताए।
सो चोक डडेल्धुरा, बुडर जाने वैकल्पिक मार्ग भएको साथै बेलौरी, बेलडाँडी जाने हुलाकी सडक पनि भएको हुँदा प्रहरी पोस्ट स्थापना गरिएको उनले बताए।
त्यस्तै चोकका साथै बजार पनि भएकाले त्यहाँ ट्राफिक जाम हुने र ट्राफिक नियमको पालना सबैले नगर्ने गरेको पाइएकाले दुर्घटना न्यूनीकरणलाई विशेष जोड दिँदै पोस्ट स्थापना गरिएको नगर प्रमुख चन्दले बताएका छन्।
(दिनेश खवरबाट साभार)
