सुदूरपश्चिम खबर
sudurpashimkhabar.com

मन्त्री गणेशसिंह ठगुन्नाको सिफारिसमा खलंगा–देथला–खण्डेश्वरी सडकमा ६० करोड बजेट

दार्चुला । दार्चुला सदरमुकाम खलंगादेखि देथला हुँदै गोकुलेश्वर जोड्ने र गोकुलेश्वरदेखि बिटुले–पारीबगड हुँदै खण्डेश्वरी जोड्ने प्रदेश गौरब अन्तरगत रणनैतिक महत्तको सडकमा ट्याक खोल्ने काम संगसंगै कालोपत्रेको काम समेत भइरहेको छ ।

विगतमा केन्द्र सरकार हुँदै पछिल्लो समय सुदूरपश्चिम प्रदेश सरकारबाट निर्माणाधिन उक्त सडकमा संघीय निर्वाचन क्षेत्र रणनीतिक योजना अन्तरगत झण्डै ६० करोड बजेट थप गरिएको संघीय मामिला तथा सामान्य प्रशासन मन्त्री गणेशसिंह ठगुन्नाले जानकारी दिनुभयो ।

सडक विस्तारका साथै स्तरोन्नतीको काम भइरहेको खलंगा–देथला–बिटुले–पारिबगड–खण्डेश्वरी सडकमा निर्वाचन क्षेत्र रणनीतिक योजना अन्तरगतको बजेट विनियोजन भएसंगै प्रधानमन्त्री केपी सर्मा ओलीले शनिबार उक्त कार्यक्रमको शुभारम्भ समेत गर्नुभएको छ ।

World Link Ads
Mahakali Polytechnic

प्रधानमन्त्रीले यो सडकका साथै शनिबार एकैपटक देशभरका १ सय ६५ वटा सडक निर्माणको शुभारम्भ गर्नुभएको छ ।

Sana Kishan

प्रधानमन्त्री केपी शर्मा ओलीले बालुवाटारबाट स्विच थिचेर निर्वाचन क्षेत्र रणनीतिक सडक विकास कार्यक्रमको शुभारम्भ गर्नुभएको हो ।

प्रधानमन्त्री ओलीका अनुसार तीन वर्षभित्र दुई हजार दुई सय १० किलोमिटर सडक दुई लेनको र कालोपत्रे हुनेछ । यी सबै सडक तीन आर्थिक वर्षभित्र सम्पन्न गरिसक्ने लक्ष्य रहेको सडक विभागले जनाएको छ ।

अहिले शुभारम्भ भएका १६५ वटा सडकमध्ये कतिपयको विस्तृत आयोजना प्रतिवेदन एवम् अन्य आवश्यक वातावरण अध्ययन भइसकेका छन् भने कतिपय अझै हुन सकेका छैनन् ।

यो वर्ष सरकारले हरेक निर्वाचन क्षेत्रमा एउटा सडक बनाउन ३ अर्ब २० करोड रुपैयाँ बजेट छुट्याएको छ । सोहि कार्यक्रम अन्तरगत दार्चुलाबाट प्रतिनिधिसभामा निर्वाचित संघीय मामिला तथा सामान्य प्रशासन मन्त्री गणेशसिंह ठगुन्नाको सिफारिसमा खलंगा–देथला–बिटुले–पारिबगड–खण्डेश्वरी सडकमा बजेट थप गरिएको हो ।

मल्देश भनेर चिनिने दार्चुलाको अपिहिमाल गाउँपालिकाको केन्द्र जोड्ने उदेश्यसहित अहिले मकरीगाडको माथिल्लो क्षेत्रमा यो सडक निर्माणाधिन अवस्थामा रहेको अपिहिमाल गाउँपालिका अध्यक्ष धर्मानन्द मन्यालले बताउनुभयो । लोकदर्पण

Purnagiri Ads
Indreni
सम्वन्धित समाचार
New digital House
जवाफ छाड्नुस्

Your email address will not be published.