तिमीलाई सधैं अरुको दिल दुखाउनु पर्छ।
किन घोच्नु पर्छ मनमा चोट पुगाउनु पर्छ।
जहाँ जाउ के सुकै गर लखेट्ने छ समयले,
थाक्ने छौ तिमी एक दिन यहीँ आउनु पर्छ।
भाडाको घरमा बस्नेलाई के था घरको कुरा
ढुङ्गै-ढुङ्गाको बलियो हुदैन गारो लाउनु पर्छ।
सुन्दै अचम्म लाग्ने विचारहरू बोक्दै जानू,
यस्तो भन्नु कमजोरहरू लाई धपाउनु पर्छ।
श्रम त जहाँ पनि गर्नु छ यो के ठूलो भो र,
हतियार बनाउन पनि फलाम तताउनु पर्छ।
यो पत्थरलाई पत्थर झै रहन दिनुस् हजुर,
मुर्ती बनाए त घरी घरी शीर झुकाउनु पर्छ।
२०७७/१२/२१ महेन्द्रनगर
