कैलालीमा ट्याक्टर दुर्घटना हुँदा ६ जना घाइते भएका छन् । जिल्लाको घोडाघोडी नगरपालिका क्षेत्रमा सडक मर्मतको काम गर्ने कामदार चढेको से १ त ८२५३ नम्बरको ट्याक्टर साडेपानी जंगलमा दुर्घटनामा परेको हो ।
दुर्घटनामा परी सडक मर्मतको काम गर्ने भारतको नान पाराका २२ वर्षीय गिरधारी लाल, १६ वर्षीय राजु कुमार, २२ वर्षीय कमलेस कुमार, १८ वर्षीय संजय कुमार, २५ वर्षीय नीरज कुमार र २१ वर्षीय चालक मोहम्मद साह घाइते भएका छन्।
उनीहरूको घोडाघोडी अस्पताल सुखडमा उपचार भइरहेको इलाका प्रहरी कार्यालय सुखडका प्रमुख प्रहरी नायब उपरीक्षक सागर बोहराले बताउनुभयो । तीव्र गतिमा रहेको ट्याक्टर चिप्लिएर दुर्घटना भएको प्रहरीको अनुमान छ । (ninglashainionline बाट सभार)
