बैतडीको सिगास गाँउपालिका वडा नं १ जुकेपानीमा फलाम खानी भेटिएको छ । उक्त वडाको दाब तथा ढणारी गाड, उत्तरमा जयपृथ्वी राजमार्ग बिन्द्राबन बाट करिब ३ किलोमीटर भित्र नजिकै र दक्षिणमा खरक्यौडा भन्ने स्थानको बिचमा केदार आधारभुत बिधालय सिगास सुङरखाल बल्लेकान बैतडीको वरिपरिको छेउमा फलाम खानी रहेको बताइएको छ ।
सो फलाम खानीमा नेपालको सुभम मिनिरल्स प्राइभेट कम्पनी तथा मित्र राष्ट्र चिनको सयुक्त साझेदारीमा यसै सिगास गाउपालिका र वार्ड नं.१ को कार्यालय संग बिगत २ बर्ष पहिला सम्झौता गरी हाल चैत्र ८ गतेबाट काम सुचारु भएको वार्ड नं.१ का वार्ड अध्यक्ष गगन सिह धामिले बताउनुभयो । उहाका अनुसार बझाङसँग जोडीएको बिधुतलाइन बाट ३३ केबि को बिधुत संचालनमा ल्याइ सुगरखालमा पानी घट्ट संचालन गर्ने, फलाम खानीसम्म रोड पिच गर्ने, बन संरक्षण गर्ने , सेनाको बेस क्याम्प बस्ने, करिब १ हजार भन्दा बढी कर्मचारी तथा कामदार समेत चाहिने धामिले जानकारी दिनुभएको छ ।
यसै क्रममा सुभम मिनिरल्स प्राइभेट कम्पनीका कर्मचारी मन्दिप पौडेलले अहिले परिक्षणकालमै करिब ८० प्रतिशत ढुङ्गामा फलाम भेटिएको र बाकी १० प्रतिशत कबाडी मिश्रित रहेको दाबी गरेका छन । उनका अनुसार यश सुगरखाल श्री केदार आधारभुत बिधालय सिगास गा.पा.१ सुगरखाल बल्लेकान बैतडीको वरिपरिको करिब ३ किलोमीटरमा फलाम खानी रहेको र यसपछि चाइना कम्पनीले फलाम निकाल्नको लागि मेसिन ल्याउदा मसिन एकदमै ठूलो भएकाले अत्तरिया देखि बैतडीको फलाम खानी सम्म सो मसिन नपुगुन्जेलसम्म यातायात ठप्प रहने समेत पौडेलले बताए ।
गाँउमा फलाम खानी पत्ता लागेकोले यहाका धेरै जसो युवाहरूलाई फाइदा पुग्ने तथा गाउंको बिकास मात्रै नभै सिंगो पालिकाको आर्थिक पक्ष समेत सबल हुने भएकाले म आफू निकै हर्सित छु भन्छन स्थानीय ब्यापरी रणबहादुर बिष्ट । स्थानीय स्तरमा भएका अर्गानिक बस्तुहरु उत्पादन गरि धेरै जसो युवा स्वरोजगार हुने र बिदेशमाघुटा टेक्न बाध्य यहाका स्थानिय युवाहरू रोजगार मुखी हुने भनी बताउछन केदार आधारभुत बिधालय सिगास बैतडीकि शिक्षिका कमला धामी । अहिले यश स्थानमा २ वटा स्काइभेटर र छ जना कर्मचारीहरुले निरन्तर काम गरिरहेको जनाइएको छ । (टेकेन्द्र धामीले radio7star मा लेखेका छन्)
