बैतडीमा सामूहिक रुपमा होली खेल्न रोक लगाइएको छ । जिल्ला प्रशासन कार्यालयले एक सूचना जारी गर्दै सामूहिक रुपमा होली खेल्न रोक लगाइएको जानकारी दिएको हो । कोरोना भाईरसको जोखिम बढ्दै गएकाले सामूहिक रुपमा होली खेल्न रोक लगाइएको जिल्ला प्रशासन कार्यालयका कम्प्युटर अपरेटर सुरेन्द्र भट्टले जानकारी दिनुभयो ।
छिमेकी देश भारतमा कोरोनाको दोश्रो लहर फैलिएको र नेपालमा उच्च जोखिम रहेकाले भीडभाड हुने खालका कार्यक्रममा रोक लगाइएको उहाँले जानकारी दिनुभयो । यस्तै कोरोना भाईरसबाट बच्नका लागि स्वास्थ्य सुरक्षाका मापदण्ड अपनाउन पनि जिल्ला प्रशासन कार्यालयले आग्रह गरेको छ । (ninglashainionline बाट सभार)
