बैतडी : बैतडीमा न्युनतम १५ केजी जिउदो तौल भएका खसी बोका बिक्रि गर्ने किसानहरुले अनुदान पाउने भएका छन । भेटनरी अस्पताल तथा पशु सेवा बिज्ञ केन्द्र पाटन बैतडीको चालु आर्थिक बर्षको कार्यक्रम अन्र्तगत खसी बोका बिक्रि गर्ने किसानहरुले अनुदान पाउने भएका हुन ।
जिल्लाका बिभिन्न ठाउँहरुमा खरिद बिक्रि केन्द्र स्थापना गर्नको लागी पहल भईरहेको भेटनरी अस्पताल तथा पशु सेवा बिज्ञ केन्द्रका सुचना अधिकारी गुमानी दत्त पन्तले जानकारी दिनुभएको छ । त्यस्ता केन्द्रहरु स्थापना पश्चात किसानहरुले त्यी केन्द्रहरुमा लगेर खसी बोका बिक्री गर्न सक्ने र भेटनरी अस्पतालको कर्मचारीले प्रमाणित गरे पछि किसानहरुले प्रति केजी २० का दरले तौल अनुसारको अनुदान पाउने उहाँले बताउनुभएको छ ।
भगौलिक बिकटताका कारण जिल्ला भरि कार्यक्रम सञ्चालन गर्न समस्या हुने भएकोले स्थानिय तहहरुसगं समन्वय गरिरहेको उनको भनाई छ । यस्तो कार्यक्रमले बाख्रा पालन तर्फ किसानहरुको आर्कषण बढ्ने अनुमान गरिएको छ । (रेडियो बैतडी बाट सभार)
