कैलाली – जिल्लामा सवारी ज्यान मुद्दामा फरार एक ट्रयाक्टर चालकलाई १८ वर्षपछि पक्राउ परेका छन्। उनलाई प्रहरीले आइतबार पक्राउ गरेको हो ।
पक्राउ पर्नेमा जोशीपुर गाउँपालिका–६ लोखरीका उमेश भन्ने उपेन्द्र स्वार रहेको जिल्ला प्रहरी कार्यालय कैलालीका प्रहरी निरीक्षक हिक्मतबहादुर थापाले जानकारी दिए।
प्रहरी निरीक्षक थापाका अनुसार २०५९ फागुन ३० मा स्वारले चलाएको से १ त ११४१ नम्बरको ट्रयाक्टरले सोही ठाउँका धनिराम डगौराको च्यापिँदा मृत्यु भएको थियो।
घटनापछि चालक स्वार फरार थिए । खोज तलास गर्ने क्रममा उनलाई इलाका प्रहरी कार्यालय भजनीबाट खटिएको प्रहरी टोलीले जोशीपुर गाउँपालिका–६ लोखरी गाउँमा लुकीछिपी बसेको अवस्थामा पक्राउ गरी थप अनुसन्धान भइरहेको बताइएको छ ।
(गोदावरी न्युज बाट सभार)