जिल्ला प्रहरी कार्यालय बैतडीका प्रमुख प्रहरी नायव उपरिक्षक नारायण प्रशाद अधिकारीले बिहान दोगडाकेदार गाउपालिका ७ का वडाअध्यक्ष भरत महरालाई बिहान साडे ७ बजे नै प्रहरीले नियन्त्रणमा लिएको बताउनुभएको छ । रेडियो सेभेन स्टारसँग कुरा गर्दै प्रहरी नायव उपरिक्षक अधिकारीले बिहान ६ देखि ७ बजेको बिचमा उहाको श्रीमतीले प्रहरीलाई खबर गरेको र त्यसपछि वडाअध्यक्ष सहित महिलालाई नियन्त्रणमा लिएको बताउनुभएको हो ।
३ बजे पक्राउ परेको भन्ने थियो त ? भन्ने प्रश्नमा उहाले भन्नुभयो, “बिहान ३ बजे पक्राउ परेका हैनन, ३ बजे पक्राउ परे भनेर प्रहरीले भनेको पनि छैन, त्यो एकदमै भ्रम कुरा हो, उहाले अघि भन्नुभयो, बिहान ६ देखि ७ बजेको बिचमा वडाअध्यक्षको श्रीमतीले प्रहरीलाई खबर गरेपछि हामिले पक्राउ गरेका हौ ।” (कृष्ण बिष्टले radio7star मा लेखेका छन्)