बैतडीमा मृगौला पीडीतको परिवारलाई आर्थिक सहयोग गरिएको छ । दशरथचन्द नगरपालिका वडा नं ३ टाकगाउँ घरभइ हाल काठमाडौँको टिचिङ हस्पीटलमा उपचारारत चन्द्रे नाथको परिवारलाई दशरथचन्द नगरपालिका , दनपा वडा नं ३ को कार्यालय र बालिचन धार्मिक तथा समाजिक क्षेत्र विकास कोषले ३५ हजार सहयोग गरेको प्रेस युनियन बैतडीका कोषाध्यक्ष धनबहादुर क्षेत्रीले जानकारी दिनुभयो ।
सोमबार नारी दिवसको अवसर पारेर दशरथचन्द नगपालिकाबाट प्राप्त २५ हजार , वडा नं ३ को कार्यालयबाट प्राप्त ५ हजार र बालिचन धार्मिक तथा समाजिक क्षेत्र विकास कोषबाट मिलेको ५ हजार गरि ३५ हजार रकम बिरामि नाथकी श्रीमतीलाई हस्तान्त्रण गरिएको उहाँँले बताउनुभयो ।वडा नं ३ का अध्यक्ष दाम बहादुर क्षेत्रीले सोमबार नारीदिवसका दिन घरमै गएर सहयोगार्थ उठेको रकम हस्तान्त्रण गरेका हुन ।
दुई वर्ष देखि मुटुरोगबाट ग्रसीत नाथको अहिले फेरी मृगौलामा समस्या देखिएपछि काठमाडौँको टिचिङ हस्पीटलमा उपचार भइरहेकाले उपचारमा राहत मिलोस भनेर सहयोग गरिएको दशरथचन्द नगरपालिका वडा नं ३ का वडा अध्यक्ष दाम बहादुर क्षेत्रीले बताउनुभयो । वडा नं ३ को पहलमा उठेको उक्त रकमले नाथको उपचारमा केही सहयोग पुगने विश्वास गरिएको छ। रेडियो बैतडी बाट सभार