सुदूरपश्चिम खबर
sudurpashimkhabar.com

बैतडीमा कोभिड १९ बिरुद्धको खोप ढुक्क भएर लगाउन स्वास्थ्य कार्यालयको आग्रह !!

स्वास्थ्य कार्यालय बैतडीले भोलीदेखि लगाईने कोभिड १९ बिरुद्धको खोप ढुक्क भएर लगाउन नागरिकहरुमा आग्रह गरेको छ । दोस्रो प्राथमिकताको पहिलो चरणमा भोलीबाट ६५ वर्षमाथिका ज्येष्ठ नागरिकलाई कोभिड १९ बिरुद्धको खोप लगाईदै छ । यो खोप सुरक्षति र प्रभाबकारी रहेको भन्दै स्वास्थ्य कार्यालय बैतडीका प्रमुख योगेश प्रसाद भट्टले नागरिकहरुमा ढुक्क भएर खोप लगाउन आग्रह गरेका हुन ।

यो भन्दा अगाडी पनी खोप अभियान सञ्चालन भईसकेकोले र खोप लगाउने ब्यक्तिहरुमा कुनै पनी असर नदेखिएकोले खोप लगाउन उहाँले आग्रह गर्नुभएको हो । खोपले कोरोना भाईरस बिरुद्धको प्रतिरक्षात्मक प्रणालीलाई बिकास गर्ने उहाँको भनाई छ ।

यस्तै सुगर, प्रेसर, दम तथा श्वासप्रश्वासको समस्या भएका बिरामीहरुलाई कोरोनाको जोखिम बढी हुने भएकोले उनीहरुले पनी अनिबार्य खोप लगाउने पर्ने स्वास्थ्य प्रमुख भट्टले बताउनुभयो ।

World Link Ads
Mahakali Polytechnic
Sana Kishan

दोस्रो प्राथमिकताको पहिलो चरणमा दशरथचन्द नगरपालिका, पाटन नगरपालिका, पुर्चौडी नगरपालिका, मेलौली नगरपालिका र दोगडाकेदार गाउँपालिका गरी जिल्लाका ५ स्थानीय तहका ६५ बर्ष माथिका नागरिकहरुलाई कोरोना विरुद्धको खोप लगाउने तयारी भएको छ ।

५ स्थानिय तहमा खोप लगाउनका लागी ४८ वटा खोप केन्द्रहरु तोकिएको स्वास्थ्य कार्यालय बैतडीले जनाएको छ । खोप लगाउन आउने नागरिकहरुलाई आफ्नो उमेर खुल्ने परिचय पत्र अनिबार्य रुपमा लिएर आउनु पर्नेछ ।

यस अघि पहिलो चरणमा स्वास्थ्यकर्मी, सुरक्षाकर्मी, एम्बुलेन्स चालक, सरसफाईकर्मी, महिला स्वास्थ्य स्वयम सेबिका र सञ्चारकर्मीहरु गरी बैतडीका २ हजार ७ सय बढीलाई कोरोना बिरुद्धको खोप लगाईएको थियो । (जनक साउदले रेडियो बैतडी मा लेखेका छन्)

Purnagiri Ads
Indreni
सम्वन्धित समाचार
New digital House
जवाफ छाड्नुस्

Your email address will not be published.