जिन्दगीको कागजमा दाग नभए हुन्थ्यो : जानुका गुरागाईं
जिन्दगीको कागजमा दाग नभए हुन्थ्यो
एकपछि अर्को नयाँ माग नभए हुन्थ्यो ।
सिर्जनाका नयाँ उनका खेतबारीभित्र
हेर्दै उराठ लाग्ने कुनै भाग नभए हुन्थ्यो ।
उनको बोली बचन र मुरलीको धुनमा
सधैं चित्त दुखाउने राग नभए हुन्थ्यो ।
हरेक बिहान आगनीको डिलमा बसेर
अशुभको खबर बोल्ने काग नभए हुन्थ्यो ।
स्वच्छ, सफा तलाउझैँ शान्त मनलाई
घरिघरि डस्ने कुनै नाग नभए हुन्थ्यो ।
-जानुका गुरागाईं
२०७७ फागुन २० गते
