दार्चुलाको मालिकार्जुन गाउँपालिका वडा नम्बर ३ मल्बावमा जङ्गली बँदेलको आक्रमणबाट ३ जना घाइते भएका छन । सोमबार बिहान गाउँ नजिकैको जङ्गलबाट बस्तीमा पसेको बदेललाई धपाउने क्रममा बदेलले आक्रमण गर्दा ३ जना घाइते भएका हुन् ।
घाइते हुनेमा स्थानीय १६ बर्षीय गोविन्द धामी, ७५ बर्षीया धौली धामी र अन्दाजी २० बर्षीय अनिल धामी रहेका बताइएको छ । बिहान जङ्गलबाट गाउँमा पसेको बँदेलले गोविन्दलाई घर आगनमै आक्रमण गरेको र नातीलाई बदेलबाट बचाउन खोज्दा हजुर आमा धौली धामी गम्भीर घाइते भएका प्रहरीले जनाएको ।
घाइते भएका धौली धामीको अवस्था गम्भीर रहेको प्रहरीले जनाएको छ । उहाँको गोकुलेश्वर अस्पतालमा उपचार हुन नसकेपछि थप उपचारको लागी कैलाली रेफर गरिएको जिल्ला प्रहरी कार्यालय दार्चुलाले जनाएको छ ।
त्यस्तै गोविन्दको गोकुलेश्वर अस्पतालमा उपचार भइरहेको छ, भने अनिलको शंकरपुर स्वास्थ्य चौकीमा सामान्य उपचार पछि जिल्ला अस्पताल दार्चुला पठाइएको प्रहरीले जनाएको छ ।
गाउँ पसेको बदेललाई स्थानीय युवाहरुले मारेर प्रहरीलाई बुझाएको बताएका छन ।
(ninglashainionline बाट सभार)