बैतडी- २६ औँ जनयुद्ध दिवस बैतडीमा पनी मनाईएको छ ।शनिबार राष्ट्रिय युवा संघको आयोजनामा बिभिन्न कार्यक्रम गरी पाटन बजारमा जनयुद्ध दिवस मनाईएको हो ।
दिवसको अबसरमा २६ वटा दीप प्रज्वलन गरी सहिदहरु प्रति श्रद्धाञ्जली अर्पण गरिएको राष्ट्रिय युवा संघका केन्द्रिय सदस्य एंबम बैतडी जिल्ला ईन्चार्ज कमल बोहराले जानकारी दिनुभयो । यस्तै दिवसको अबसरमा गरिएको कोणसभा कार्यक्रमलाई सम्बोधन गर्दै बक्ताहरुले जनयुद्धको समयमा ज्यानको आहुती दिएका सहिदहरुलाई सम्मान दिनुपर्ने कुरामा जोड दिएका छन् ।
जनयुद्धबाट प्राप्त उपलब्धिको रक्षा गर्नु हाम्रो दायीत्व हुने उहाँहरुको भनाई छ । यस्तै प्रधानमन्त्री केपी शर्मा ओलीको प्रतिगामी कदमका बिरुद्ध शसक्त तरिकाले संर्घषका कार्यक्रमहरु घनीभुत रुपमा अगाडी बढाउने उनीहरुले बताएका छन् । कार्यक्रममा जिल्ला समन्वय समिति उपप्रमुख धन बहादुर बोहरा, नेकपा सुदुरपश्चिम प्रदेश कमिटि सदस्य धर्म सिह ऐर लगायत जिल्ला कमिटि सदस्यहरुको उल्लेख्य सहभागीता रहेको थियो ।
२०५२ साल फागुन १ गतेदेखि तत्कालीन माओवादीले जनयुद्ध घोषणा गरेको थियो । तत्कालीन विद्रोही नेकपा माओवादीले संविधानसभाबाट संविधान बनाउनुपर्ने, राजतन्त्रको अन्त्य र जनवादी व्यवस्थाको स्थापना गर्ने भन्दै रोल्पा, सिन्धुली र गोरखाका प्रहरी चौकीमा आक्रमण गरेर नेपालमा सशस्त्र विद्रोहको सुरुवात गरेको थियो ।
(रेडियो बैतडीबाट साभार)
