बैतडी – बैतडीमा एक कर्मचारी मृत फेला परेका छन् । जिल्लाको सिगास गाउँपालिका वडा नं ८ स्थित शिवलिंग स्वास्थ्यचौकीमा कार्यरत ४५ बर्षीय रामसिंह ऐर मृत फेला परेका हुन् । यही माघ २७ गते कार्यालयबाट घरफर्केका ऐर घरमा नपुगेपछि खोजतलास गर्दा शुक्रबार बिहान आठ बजेतिर मृत फेला परेका शिवलिंग स्वास्थ्यचौकीका इन्चार्ज भीमसिंह ऐरले जानकारी दिनुभयो ।
शिवलिंग प्रहरीचौकीबाट खोजतलासका लागि खटिएको टोलीले जेवलाखान भीरबाट करीब ३ सय मिटर तल ऐरको शव फेला पारेको हो । ऐरको लडेर मृत्यु भएको हुन सक्ने प्रहरीले अनुमान गरेको छ ।
घटनाका बिषयमा थप अनुसन्धानका लागि इलाका प्रहरी कार्यालय पाटनबाट प्रहरी निरीक्षक धनदेव साउँद नेतृत्वको टोली खटिएको छ ।
(ninglashainionline.com बाट साभार)