बैतडी- बैतडीमा कोरोनाका सक्रिय संक्रमित शुन्य भएका छन् ।
पाटन नगरपालिका ६ का ३० बर्षीय पुरुषले कोरोना जितेसंगै जिल्लामा कोरोनाका सक्रिय संक्रमित शुन्य भएका हुन् ।
जिल्लामा ६३७ जना संक्रमित मध्ये ६३५ जनाले कोरोना जितेका छन् भने दुई जनाको कोरोनाका कारण मृत्यु भएको छ ।
जिल्लामा अहिले सम्म ७ हजार ९९ जनाको पीसीआर विधि मार्फत कोरोना परीक्षण गरिएको छ ।
अहिले सम्म दशरथचन्द नगरपालिकाका १५९, पाटन नगरपालिकाका ११०, सिगास गाउँपालिकाका ५५, मेलौली नगरपालिकाका ४८ र डिलाशैनी गाउँपालिकाका २९ जनामा कोरोना पुष्टि भईसकेको छ ।
यस्तै सुर्नया गाउँपालिकाका ४४,पञ्चेश्वर गाउँपालिकाका ६३, शिवनाथ गाउँपालिकाका ५१, दोगडाकेदार गाउँपालिकाका ५२ र पुर्चौंडी नगरपालिकाका २६ जनामा संक्रमण पुष्टि भईसकेको छ ।
पछिल्लो समयमा जिल्लामा कोरोना जाँच गराउनेको संख्या पनि घट्दै गएको छ ।
कोरोना संक्रमणको जोखिम कायमै रहेकाले स्वास्थ्यकर्मीहरुले स्वास्थ्य सुरक्षाका मापदण्ड अपनाउन भने आग्रह गरेका छन् ।
(भगीरथ अवस्थीले ninglashainionline.com मा लेखेका छन्।)