बैतडी- माघ ३० गते । प्रधानमन्त्री रोजगार कार्यक्रमअन्तर्गत बैतडीमा चार हजारभन्दा बढीले रोजगारी पाउने भएका छन् ।
जिल्लाका १० वटै स्थानीय तहमा चार हजार २ सय ८१ ले रोजगारी पाउने भएका हुन् ।
प्रधानमन्त्री रोजगार कार्यक्रमअन्तर्गत सबै भन्दा बढी सुर्नया गाउँपालिकाका नागरिकहरुले रोजगारी पाएका छन् ।
स्थानियहरुको रोजगार सेवा केन्द्रले दिएको जनाकारी अनुसार सुर्नया गाउँपालिकामा सबैभन्दा बढी ८ सय ३३ ले रोजगारी पाउने भएका छन् ।
दशरथचन्द नगरपालिकामा ४ सय पुर्चौंडी नगरपालिकामा ४ सय ५४ ,पाटन नगरपालिकामा ७ सय ६२, मेलौली नगरपालिकामा २ सय ७१ डिलाशैनी गाउँपालिकामा ३ सय ३४ ले रोजगारी पाउने भएका हुन् ।
यस्तै दोगडाकेदार गाउँपालिकामा २ सय ७० ,पञ्चेश्वर गाउँपालिकामा ५ सय ३८ सिगास गाउँपालिकामा ४ सय ५१ ले रोजगारी पाउने भएका छन भने छन् शिवनाथ गाउँपालिकामा ४सय २३ जनाले ले रोजगारी पाउने भएका हुन्।
कोरोना भाइरस कोभिड १९ ले रोजगारी गुमाएर वेरोजगार बनेका युवाहरुलाई प्रधानन्त्री रोजगार कार्यक्रममा समावेश गरिएको स्थानियतहरुले बताएका छन् । स्थानीय तहको रोजगार सेवा केन्द्रमा आवेदन दिएकामध्ये प्रधानमन्त्री रोजगार कार्यक्रमअन्तर्गत छनोट भएका र उनीहरुले १०० दिनको रोजगारी पाउने जनाइएको छ ।
(रेडियो बैतडीबाट साभार)
