नेकपा नेतृ एव पुर्व विद्यार्थी नेता रामकुमारी झाँक्रीको रिहाईको माग अघि सारेर कञ्चनपुरको महेन्द्रनगरमा समेत बिरोध सभा गरिएको छ । बिहीबार झाँग्रीकै निवास काठमाण्डौँ शंखमुलबाट पक्राउ गरेको बिरोधमा नेकपा प्रचण्ड नेपाल पक्षीय युवा विद्यार्थीले महेन्द्रनगरमा बिरोध प्रर्दशन गरेका हुन ।
विघठित प्रतिनिधी सभा सदस्य समेत रहेकी झाँक्रीलाई राष्ट्रपति विद्यादेवी भण्डारी बिरुद्ध अभिव्यक्ति दिएको भन्दै पक्राउ गरिएको थियो ! पक्राउ गरेको बिरोधमा नेकपा प्रचण्ड, नेपाल समुहले महेन्द्रनगर, काठमाण्डौँ सहित देशभरी बिरोध गरेको थियो ।
महेन्द्रनगरमा आयोजित बिरोध सभा कार्यक्रममा अनेरास्ववियू कञ्चनपुरका विद्यार्थी नेता कैलाशचन्द्र गिरी, युवा संघका केन्द्रीय सदस्य रामचन्द्र रेग्मी, जिल्ला अध्यक्ष शुचित्र शाह, अखिल नेपाल महिला संघकी नेतृ कमला भट्टले निर्सत रिहाईको माग अघि सारेर लोकतन्त्रमा बोल्न समेन नपाईने अवस्था भएको बताएका थिए । ससम्मान रिहाई नगरे आन्दोलनको चेतावनी दिएका छन ।
अनेरास्ववियू कञ्चनपुरका नेता दिपक भट्टले संचालन गरेको कार्यक्रममा कविता मार्फत अर्का अनेरास्ववियू नेता डिबी बोहराले पक्राउको बिरोध गरेका थिए । नयाँ खबर बाट सभार