माघ २८ गते, बैतडी,
राष्ट्रपति विद्यादेवी भण्डारीले बैतडीकी किशोरी भागरथी भट्टको हत्यासम्बन्धी अनुसन्धानलाई तीव्र बनाउन राष्ट्रिय मानव अधिकार आयोगसँग आग्रह गर्नुभएको छ ।
राष्ट्रपति भवन शीतल निवासमा बोलाएर आयोगका नवनियुक्त पाँचैजना पदाधिकारीसँग छलफल गर्दै राष्ट्रपति भण्डारीले यस्तो आग्रह गर्नुभएको हो ।
छलफलमा वैतडीमा केही दिन अघि हत्या गरिएकी भागरथी भट्टको अनुसन्धानलाई तीव्र बनाउन आवश्यक सहयोग गर्न पनि राष्ट्रपतिले आयोगलाई आग्रह गर्नुभएको थियो ।
आयोगका पदाधिकारीहरुले बैतडीमा स्थलगत अनुगमन गर्न धनगढीस्थित कार्यालयबाट टोली खटाइएको र घटनास्थलमा पुगिसकेको जानकारी गराउनुभएको थियो ।
यहि माघ २१ गते बुधबार बिद्यालय गएकी दोगडाकेदार गाउपालिका ७ चडेपानीकी १७ वर्षीया किशोरी भागरथी भट्ट २२ गते बिहिबार साँझ ५ बजे जङ्गलमा मृत भेटिएकी थिइन । प्रहरीले हाल सम्म हत्यारा पत्ता लगाउन सकेको छैन ।
(सेभेन स्टार बाट साभार)