२७ माघ, बैतडी– सगुन अनलाईन टेलिभिजन आजदेखि औपचारीक रुपमै सञ्चालनमा आएको छ ।
स्टुडियो लगायतका सबै पुर्वाधारहरु निर्माण गरि परिक्षणका कार्यक्रमहरु यसअघिनै सञ्चालनमा ल्याइसकेको सगून अनलाईन टेलिभिजनको आज औपचारिक उद्घाटन गरिएको हो ।
अनलाईन टेलिभिजनको चर्चित पत्रकार रबि लामिछानेले आज उद्घाटन गर्नुभएको हो ।
सञ्चार क्षेत्रमा अडियो, भिडियो र अनलाईन सहित सेवा सञ्चालन गर्ने उदेश्यले अनिरुद्र प्रशारण प्रालि सगून अनलाईन टेलिभिजन सञ्चालनमा ल्याएको हो । प्रालिले यसअघि रेडियो निङ्गलाशैनिका साथै निङ्गलाशैनि अनलाईन सञ्चालनमा ल्याएको थियो ।
अब अनलाईन टेलिभिजनबाट नियमित कार्यक्रमहरु सञ्चालन गरिनुका साथै रेडियो निङ्गलाशैनिको समेत क्षमता अभिबृद्धि गरिने रेडियोका प्रबन्ध निर्देशक महेश अवस्थीले बताउनुभयो ।
यसैबिच रेडियो निङ्गलाशैनि ९४ मेगाहर्जका प्रबन्ध निर्देशक अवस्थीले आज आफ्नो जन्मदिनको अवसरमा ३जना पिडित ब्यक्तिहरुलाई राहत सामग्री बितरण गर्नुभएको छ ।
जिल्लाको दशरथचन्द नगरपालिका १का ३जना अपांगता भएका र आयश्रोत केहिपनि नभएका ब्यक्तिहरुलाई खाद्य सामग्री बितरण गर्नुभएको हो ।
दनपा १का खिमराम लुहार, पावति लुहार र मदन लुहारलाई राहत सामग्री बितरण गरिएको हो ।
(ninglashainionline.com बाट साभार)
