काठमाडौं । प्रधानमन्त्री केपी शर्मा ओली र राष्ट्रपति विद्यादेवी भण्डारीबीच मंगलबार दिउँसो भेट भएको छ।
राष्ट्रपति भण्डारीलाई भेट्न प्रधानमन्त्री ओली निर्वाचन आयोगसँगको छलफल सकेर सोझै शितल निवास गएका थिए। राष्ट्रपतिसँगको भेटमा प्रधानमन्त्री ओलीले सोमबारको मन्त्रिपरिषद् बैठकले निर्वाचनसम्बन्धी गरेका निर्णय र निर्वाचन आयोगसँग भएको छलफलबारे जानकारी गराउने प्रधानमन्त्रीको सचिवालयले जनाएको छ ।
सोमबार बसेको मन्त्रिपरिषद् बैठकले वैशाख १७ गते ४० र २७ गते ३७ जिल्लामा चुनाव गर्ने निर्णय गरेको थियो।प्रधानमन्त्री ओलीले आजै निर्वाचन आयोगका आयुक्तसँगै पदाधिकारीसँग पनि निर्वाचन तयारीबारे छलफल गरेका थिए । पाथिभरा न्युज
