बैतडी-माघ २२, बैतडीमा अहिलेसम्म १ हजार १ सय ७३ जनालाई कोरोना भाईरस बिरुद्धको खोप लगाईएको छ ।
माघ १४ गते बुधबारबाट खोप लगाउने कार्य सुरु भएकोमा जिल्ला अस्पताल बैतडी र अस्थायी कोभिड अस्पताल पुर्चौडीको खोप केन्द्रबाट उक्त संख्या खोप दिईएको हो ।
बिहिबार थप २९ जनालाई कोरोना भाईरस बिरुद्धको खोप लगाईएको छ ।
जिल्ला अस्पताल बैतडीको खोपकेन्द्रबाट १० जना र अस्थायी कोभिड अस्पताल पुर्चौडीको खोप केन्द्रबाट १९ जना गरी २९ जनालाई खोप दिईएको स्वास्थ्य कार्यालय बैतडीले जनाएको छ ।
जिल्ला अस्पतालको खोप केन्द्रबाट ४ जना स्वास्थ्यकर्मी, ५ जना सहयोगी कर्मचारी र १ जना महिला स्वास्थ्य स्वयमसेबिकालाई खोप दिईएको हो ।
यस्तै अस्थायी कोभिड अस्पताल पुर्चौडीको खोप केन्द्रबाट ६ जना स्वास्थ्यकर्मी, ६ जना अन्य सहयोगी कर्मचारी, ४ जना महिला स्वास्थ्य स्वयमसेबिका, २ जना सरसफाईकर्मी र १ जना एम्बुलेन्स चालकलाई कोरोना भाईरस बिरुद्धको खोप लगाईएको हो ।
भारत सरकारले नेपाल सरकारलाई १० लाख डोज कोरोना बिरुद्धको खोप अनुदानमा उपलब्ध गराए पछि अग्रपक्तीमा खटिएकाहरुलाई पहिलो चरण अन्र्तगत खोप लगाउने काम भईरहेको हो ।
स्वास्थ्यकर्मी, सरसफाईकर्मी, महिला स्वास्थ्य स्वंयम सेबिका, ऐम्बुलेन्स चालक, सहचालक, सुरक्षाकर्मी र कैदीबन्दी लगायतका ब्यक्तिहरुलाई पहिलो चरणमा खोप लगाईरहेको स्वास्थ्य कार्यालय बैतडीका प्रमुख योगेश प्रसाद भट्टले जानकारी दिनुभयो ।
(रेडियो बैतडी बाट साभार)
