मनोज प्र. भट्ट महेन्द्रनगर । प्रचण्ड–नेपाल समूहका नेता तथा पूर्व–मन्त्री उर्वादत्त पन्त लगायतको समूहले कञ्चनपुरमा पत्रकारमाथी हातपात गरेको छ ।
प्रचण्ड–नेपाल समूहले संवैधानिक निकायमा गरेको नियुक्तिको विरोधमा बिहिवार गरेको आमहड्तालको महेन्द्रनगरमा रिपोर्टिङ्ग गर्ने बेला पत्रकार मदन गिरीमाथी हातपात गरेको हो ।
आम हड्तालको रिपोर्टिङ्गमा क्रममा पूर्व–मन्त्री उर्वादत्त पन्त, ईश्वरी खरेल लगायतको समूहले आफूमाथी हातपात गरेको पत्रकार गिरीले बताए ।
‘म भारतबाट आएर महेन्द्रनगरमा अलपत्र गरेका मानिसहरुसं कुराकानी गरिरहेको थिएँ । सो क्रममा पूर्व–मन्त्री पन्त सहित समूहले एक्कासी आक्रमण गरेको छ ।’ पत्रकार गिरीले भने, ‘पत्रकार हुँ भन्दा भन्दै एक्कासी आएर म माथि आक्रमण भएको छ ।’
रिपोर्टिङ्गका क्रममा आफूमाथी हातपात गर्ने समूहलाई कानूनी दायरामा ल्याउनु पर्ने गिरीको माग छ । पत्रकार गिरी आर्थिक अभियानका कञ्चनपुर संवाददाता हुन ।