काठमाडौं ( प्रतिनिधिसभा विघटनपछि प्रधानमन्त्री केपी ओलीले कृपा गरेर सुदूरपश्चिम प्रदेशबाट चार मन्त्री बनाए पनि शनिबारको प्रचण्ड–माधव समूहको बृहत् जनप्रदर्शनले ओली पक्षलाई धक्का लागेको छ ।
चार मन्त्री लिएर ओलीले केही दिनअघि कञ्चनपुरमा बृहत् सभा आयोजना गरेका थिए । तर, शनिबार प्रचण्ड माधव समूहले जुटाएका जति मानिस सहभाी थिएनन् । नेकपामा सुदूरपश्चिम प्रदेशमा भीम रावललाई बलियो मानिँदै आएको थियो ।
तर, ओली समूहले रावललाई एक्लो बनाएर भटाभट चार नेतालाई मन्त्री बनाइदिएको थियो । शनिबार धनगढीबाटै भीम रावलले भट्टलाई ओलीको दलाल भनेर भाषण गरिदिए । भट्टकै गढ मानिएको ठाउँमा रावलको त्यो भाषणले विशेष अर्थ राख्ने बताइन्छ ।
प्रचण्ड नेपाल समूहले धनगढीमा ४० हजार मानिस जुटाउने घोषणा गरेको थियो । त्यति जनता नजुटे पछि कम्ती २५ हजार सहभागी भएको बताइन्छ । धनगढीको प्रदर्शनपछि प्रचण्ड, माधव नेपाल, भीम रावल निकै उत्साहित भएको बताइन्छ ।
प्रधानमन्त्री ओलीले कञ्चनपुर पुगेर रावलको उछितो काढेका थिए । उनले के विषयको डाक्टर भन्दै रावललाई गिज्याएका थिए । तर, हिजोदेखि ओलीको बोली बन्द भएको बताइन्छ ।
प्रचण्ड–नेपाल नेतृत्वको नेकपाले शनिबार सुदूरपश्चिमको धनगढीमा आयोजना गरेको विरोध सभा सफल भएकामा सो पार्टीका केन्द्रीय सदस्य विष्णु रिजालले भीम रावलको प्रशंसा गरेका छन्।
नेकपाका सुदूरपश्चिम प्रदेश इन्चार्ज नेता रावलले फेरि एकपटक आफूलाई अब्बल र जनतामा लोकप्रिय नेताका रूपमा प्रमाणित गरेको नेता रिजालले सामाजिक सञ्जाल फेसबुकमा लेखेका छन् ।
(मिडिया डबली बाट साभार)
