भए सारै अश्लील छाडा भनेको सुनिन्छ।
मञ्चबाट नि नाफाघाटा भनेको सुनिन्छ।
लोभी पापीहरूको अड्डा भएर राजनीति,
इमान्दारहरू होउन् टाढा भनेको सुनिन्छ।
दर्शन पनि सबै बदलिँदो रहेछ समयसँगै,
गुरुले चेलालाई, फटाहा भनेको सुनिन्छ। 
भाषामा भने क्रान्तिकारी परिवर्तन भएछ,
सहरतिर लोग्नेलाई बाबा भनेको सुनिन्छ।
क्षितिज पारीका घामहरूको भविष्य हुदैन,
जहिले लेनदेन घाटानाफा भनेको सुनिन्छ।
