कैलाली – नेकपा प्रचण्ड–नेपाल समूहका नेता एंव पूर्वप्रधानमन्त्री माधव कुमार नेपालले प्रधानमन्त्री केपी शर्मा ओलीकै कारण निर्मला पन्तले न्याय नपाएको आरोप लगाउनुभएको छ ।
शनिबार कैलालीको धनगढीमा आयोजित सभालाई सम्बोधन गर्दै नेता नेपालले निर्मला पन्तको बलात्कारी तथा हत्यारालाई कारवाही गर्न आफुहरुले प्रधानमन्त्री केपी शर्मा ओलीलाई पटक–पटक भनेको तर उहाँले सुन्न नचाहेको आरोप लगाउनुभएको हो ।
सभामा बोल्दै उहाँले भन्नुभयो, ‘निर्मलाको कुरा केपी ओलीले सुन्नै चाहेनन् । हामीले पटक–पटक भन्यौं, तर सुन्नै चाहेनन् । अनि हामीले भन्यो, यो सरकारको पहिलो गाँसमै ढुंगा पस्यो । झिंगा पस्यो । कस्तो लाजको सरकार, हामीले जोगाउनु परेको थियो ।’
प्रधानमन्त्री ओली नेपालको कुसन्तान रहेको बताउँदै नेता नेपालले अंहकारकै कारण उहाँ समाप्त हुने दाबी गर्नुभयो ।
(upaharkhabar.com बाट साभार)
