कञ्चनपुर- कञ्चनपुरमा यूवा सञ्जालको अगुवाईमा लागुऔषध तथा कुलत विरुद्धको अभियान कंचनपुरको महेन्द्रनगरमा लागुऔषध तथा कुलत विरुद्धको यूवा अभियानको सुभारम्भ भएको छ । शुत्रवार सहिद दिवसको अवसर पारेर विभिन्न सामाजिक कार्य गर्दै २४ बर्ष मुनीका युवाहरुलाई जाडरक्सी, धूम्रपान, लागुपदार्थ, सुर्ती तथा सुर्तीजन्य पदार्थ खान र बेचबिखन गर्न निषेध तथा मुक्त अभियानको थालनी भएको हो ।
सो अभियान समृद्ध राष्ट्र निर्माणका लागि लागु औषध रहित स्वस्थ,कर्मठ , शिक्षित र मर्यादित युवा भन्ने मूलनाराका साथ सञ्चालनमा आएको र यसले २४ वर्ष मूनीका यूवाहरुलाई नासाजन्य वस्तुको ओसार पसार तथा किनबेच गर्न निरुत्साहित गर्ने कार्यक्रम आयोजक संस्था सुदूर पश्चिम प्रदेश यूवा सञ्जालका संयोजक बाशुदेव भट्ट होहो भाई ले बताए ।
उक्त अभियानले बालबालिका तथा किशोर किशोरीहरुलाई समेत सकारात्मक सन्देश जाने यस क्षेत्रका जानकारहरुको भनाई छ । अभियानमा सुदूरपश्चिम विश्वविद्यालका विद्यार्थी, शिक्षक लगायत २४ वर्ष मूूनी यूवाहरु लगायत सामाज सेवी,शिक्षा प्रेमी तथा विभिन्न पेशा व्यवसायमा आबद्धहरुको उपस्थिति रहेको थियो ।
उक्त अभियानमा वडा प्रहरी कार्यालयका प्रमुख अमर माझि र सुदुर पश्चिम प्रदेश युवा संजाल र सुदुर पश्चिम विश्व विद्यालयका विद्यार्थी युवाहरू र शिक्षकहरुको समउपस्थिति रहेको थियो । यस्तै, महाकाली प्रादेशिक अस्पतालका अध्यक्ष कृष्ण दत्त जोशी र भीमदत्त नगरपालिका सुबास अधिकारी , बाताबरण अधिकृत गणेश ठगुन्ना , दिनेश भट्ट लगायतको पनि सहभागिता रहेको थियो । कार्यक्रम सुदूरपश्चिम विश्व विद्यालय केन्द्रीय क्याम्पस परिसर देखि महेन्द्रनगरको मदनचोकमा सम्म विभिन्न नाराहरुसहितको ¥यालीका साथ सञ्चालन भएर कोर्ण सभामा परिणत भएको थियो ।
विश्वविद्यालय परिसरमा सरसफाई समेत गरिएको संजालका अध्यक्ष भट्टले बताए । पछिल्लो समय बढ्दो दुव्र्यसनीले समाजमा विभिन्न खाले नकारात्मक खालका घटना बढिरहेको सन्दर्भमा यूवाहरुबाटै यस खालको अभियानले स्वस्थ समाज निर्माण सहयोग पु¥याउने देखिन्छ । उक्त अभियान कञ्चनपुरका साथ आउँदा दिनमा प्रदेशका ९ वटै जिल्लामा र यसैगरी देश व्यापी रुपमा सातै प्रदेश तथा ७७ जिल्लामा आयोजना हुने लक्ष्य सुदूर पश्चिम प्रदेश यूवा सञ्जालले राखेको छ ।
यद्धपी, यस्ता कार्यक्रम औपचारिकतामा मात्रै सीमीत हुने गरेको र त्यसले अपेक्षीत नतिजा समाजमा छर्न नसकेको भन्नेहरुको पनि कमी छैन् , जे होस् समाज निर्माण र यूवाहरुलाई कुलत तथा दुव्र्यसनी मुक्त गर्ने महा अभियानमा हामी पनि जुट्ने की ?
(esudurdarpan.com बाट साभार)
