सुदूरपश्चिम खबर
sudurpashimkhabar.com

स्वास्थ्य कार्यालय बैतडीको स्वास्थ्यमा नया आयाम: एक बिद्यालय एक नर्स, प्रबर्धनात्क इकाई र नाकामा हेल्थ डेस्क!

 बैतडी-स्वास्थ्य कार्यालय बैतडीले यस वर्ष स्वास्थ्यका नया कार्यक्रमहरुको जानकारी गराएको छ । स्वास्थ्य कार्यालय बैतडीले आइतबार सञ्चारकर्मीसँग स्वस्थ्य सम्बन्धी अन्तरक्रिया कर्यक्रममा स्वास्थ्यका नया कार्यक्रमको जानकारी गराएको हो । नया कार्यक्रम अन्तरगत भारतसँग सिमाना जोडिएको झुलाघाट नाकामा हेल्थ डेस्क स्थापना देखि बिद्यालयमा स्टाफ नर्स कार्यक्रमहरु रहेका छन ।

झुलाघाटमा हेल्थ डेस्क स्थापना
भारतीय सिमानाका झुलाघाटमा स्थायी रुपमा हेल्थ डेस्क स्थापना गरिने छ । भारतबाट आएका नागरीकहरुको स्वास्थ्य जाँच गर्न र आवस्यक स्वास्थ्य सल्लाह प्रदान गर्नको लागि हेल्थ डेस्क स्थापना गरिने स्वास्थ्य कार्यालय बैतडीका प्रमुख योगेश प्रशाद भट्टले जानकारी दिनुभयो । भारतबाट आउने सबै नागरीकको स्वास्थ्य परिक्षण गरिने उहाले बताउनुभयो । कोरोना लगायतका सरुवा रोगको बिषयमा थप सम्बेदनसिल बनेर हेल्थ डेस्क प्रभावकारी रुपमा सञ्चालन हुने उहाको भनाइ छ ।
३ स्थानिय तहमा एक बिद्यालय एक स्टाफ नर्स कार्यक्रम
बैतडीको मेलौली नगरपालिका, डिलाशैनी गाउपालिका र सिगास गाउपालिकामा एक बिद्यालय एक स्टाफ नर्स कार्यक्रम पनि सञ्चालन गरिन लागिएको छ । यी ३ वटै पालिकाले एक एक बिद्यालय छनोट गरी छनोटमा परेका बिद्यालयमा एक एक जना स्टाफ नर्सको ब्यवस्था गरिने भएको हो । किशोर किशोरीलाई स्वास्थ्य सल्लाह प्रदान गर्न सहज हुने बताइएको छ । किशोरीहरुलाई आइरन चक्की खुवाउन, यौन तथा प्रजननको बारेमा जानकारी दिन र अन्य आवस्यक स्वास्थ्य सल्लाह प्रदान गर्नको लागि सरकारले नै घोषणा गरको एक बिद्यालय एक नर्स कार्यक्रम कार्यान्वयनमा लैजान लागिएको स्वास्थ्य कार्यालय बैतडीले जनाएको छ । अन्य बिद्यालय तथा पालिकाहरुमा पनि यो कार्यक्रम आगामी वर्षमा सञ्चालन हुने पनि बताइएको छ ।
जनस्वास्थ्य प्रबर्धन केन्द्र स्थापना गरिदै
स्वास्थ बानी व्यभारमा उतार्न, सबै क्षेत्र र उमेर समुहका ब्याक्तीहरुको लागि स्वास्थ्य सल्लाह प्रदान गर्न, सरुवा रोगसम्बन्धी जानकारी दिन र योगअभ्यासको लागि योगगुरु कार्यक्रम लगायतका कार्यक्रमहरु सञ्चालन गर्न जनस्वास्थ्य प्रबर्धन केन्द्र स्थापना गरिने प्रभुख भट्टले बताउनुभयो । कारागार, बिद्यालय लगायतका क्षेत्रमा पनि योग अभ्यास गराइने बताइएको छ ।
यसैगरी प्रबर्धन केन्द्रले बजार अनुगमनमा सहभागि जनाई सुरक्षीत खाद्य पदार्थ सेवनमा नागरीकहरुलाई सुसूचीत गराइने र स्वस्थ बानी ब्यभारको लागि खेलकुदको आयोजना पनि गरीने स्वास्थ्य कार्यालय बैतडीका खोप सुपरभाइजर हरीस भट्टले जानकारी दिनुभयो ।
दातृ नियकाद्धारा साञ्चालीत मेरी स्टप्सले परिवार नियोजन सम्बन्धीका कार्यक्रमहरु सञ्चालन गर्दैआएकोमा उक्त कार्यक्रमको अवधी सकिएको हुनाले अब मेरी स्टप्सले सञ्चालन गर्दै आएका कार्यक्रमहरु स्वास्थ्य कार्यालयले नै सञ्चालन गर्ने पनि बताइएको छ ।
यसैगरी नियमित खोप कार्यक्रम र बाल स्वास्थ्यका कार्यक्रमहरुलाई प्रभावकारीढंगले अघि बढाइने बताइएको छ । कोरोना प्रभावले स्वास्थ्य सेवा प्रभावित बनेको गुनासो बढेको अवस्थामा भोलीका दिनले थप प्रभावकारीरुपले अघि बढाइने पनि बताइएको छ ।
माथि उल्लेखित कार्यक्रमको लागि स्वास्थ्य कार्यालय बैतडीले कर्मचारी भर्ना प्रक्रिया सुरु गरीसकेको छ ।

 

Sana Kishan

(radio7star.org बाट साभार)

World Link Ads
Mahakali Polytechnic

Purnagiri Ads
Indreni
सम्वन्धित समाचार
New digital House
जवाफ छाड्नुस्

Your email address will not be published.