सुदूरपश्चिम खबर
sudurpashimkhabar.com

प्रधानमन्त्री ओलीले भने :युद्धको समयमा प्रचण्ड जंगल होइन, दिल्ली बस्नु भएको हो!

काठमाडौं : प्रधानमन्त्री केपी ओलीले नेकपा प्रचण्ड(नेपाल पक्षका अध्यक्ष पुष्पकमल दाहाल ’प्रचण्ड’ माओवादी सशस्त्र युद्धको समयमा आफू दिल्ली बसेर कार्यकर्ता र लडाकुलाई मात्र जंगल बसालेको आरोप लगाएका छन्।

नेपाल ट्रेड युनियन महासंघ राष्ट्रिय कार्यकर्ता भेलालाई सम्बोधन गर्दै प्रधानमन्त्री ओलीले यस्तो बताएका हुन्। ’प्रचण्ड जंगलमा न हिजो बसेका हुन्। न अब बस्ने छन्,’ उनले भने,’ कार्यकर्ता र लडाकुलाई मात्र जंगलमा बसाल्नु भयो । आफू त जेलवाला जेल लगाएर जुल्फी कोरेर दिल्ली बस्नु भा हो।’

प्रधानमन्त्री ओलीले प्रचण्ड समूह सही बाटोमा लागेको भए अहिले पार्टी फुटको संघारमा नआउने तर्क गरे। ’सही बाटोमा लागेको भए पार्टी एकता हुन्थ्यो। पार्टीले सानदारकासाथ जीत हाँसिल गर्थ्यो,’ उनले भने।’

World Link Ads
Mahakali Polytechnic

उनले अब प्रचण्ड समूहले कुनै पनि हालतमा चुनाव नजित्ने जिकिर गरे। उनले विगतको चुनावमा प्रचण्डलाई आफूले नै जिताएको दावी गरे। ’उनीहरुलाई चितवनमा हामीले जिताएका छौं। ‘२०७४ मा चितवनमा उहाँलाई हामीले जिताएको हो।

Sana Kishan

ठूला सभा गरेर। जनतालाई लौन भोट हालिदिनुस् भनेर आग्रह र प्रणाम गरेर जिताएको हो’, प्रधानमन्त्री ओलीले भने, ‘२०७० सालमा त बत्ती निभाएर, बाकस साटेर जिताएको हो त्यसअघि कीर्तिपुर हारेको हो। पहिला रोल्पा जानुभो, त्यसपछि सिरहा जानुभयो, कीर्तिपुर हुँदै चितवन जानुभयो अब कता जाने हो ? जंगल जाने होइन !’

प्रधानमन्त्री ओलीले प्रचण्डले सूर्य चिह्न दाबी गर्नुलाई दशा लागेको संज्ञा दिएका छन् । ‘कहिलेबाट तपाईंको भो सूर्य चिह्न ?’, ओलीले प्रश्न गर्दै भने, ‘पार्टी छोडेपछि सूर्य चिह्न ? सही बाटो हिँडेर यही बसेको भए सूर्य चिह्न उहाँको हुन्थ्यो । दशा लागेपछि के लाग्छ !’

सरकार र पार्टीमा काम गर्न नदिएर संसद विघटन गरेको उनको भनाइ छ। उनले वैशाखमा चुनाव हुनेभन्दै कार्यकर्तालाई गतिशील भएर अगाडी बढ्न सल्लाह दिए।

 

(annapurnapost.com बाट साभार)

 

 

 

Purnagiri Ads
Indreni
सम्वन्धित समाचार
New digital House
जवाफ छाड्नुस्

Your email address will not be published.