पूर्वपश्चिम राजमार्गको शुक्लाफाटा नगरपालिका वडा नम्वर (११ कलुवापुर नजिकै भएको सवारी दुर्घटनामा परेर ८ जना घाइते भएका छन् ।दुर्घटनामा परी घाईते हुनेहरुमा गोदावरी नगरपालिका–२ वस्ने ३० वर्षिय चिरिन्जीवी तिवारी, कृष्णपुर नगरपालिका –५ गुलरियाका २५ वर्षीय ललित खड्का, २२ वर्षीय जनकराज भट्ट ,१६ वर्षिय मोहन पन्त, पुष्पराज भट्ट, पुतली वजार नगरपालिका १० स्याङ्गजाका ३४ वर्षीय गिर बहादुर गुरुङ्ग,सहिदलखन गाउपालिका २ का झमन बहादुर थापा र हरीपुर नगरपालिका २ सर्लाहीका राजेश कुमार सिंह रहेका छन् ।
काठमाण्डौवाट महेन्द्रनगर तर्फ आउदै गरको ना ७ ख ५९४८ नम्बरको वसलाई कैलालीको अत्तरियावाट महेन्द्रनर तर्फ आउदै गरेको सु.प.प्र. ३८६ नम्वरको विङ्गरले पछाडीवाट ठक्कर दिदा शुक्लाफाटा नगरपालिका वडा नम्वर ११ कलुवापुर नजिकै दुर्घटना भएको ईलाका प्रहरी कार्यालय झलारीले जनाएको छ । घाईतेहरुको झलारी स्थित न्यू झलारी क्लिनिकमा उपचार भइरहेको ईलाका प्रहरी कार्यालय झलारीका प्रहरी निरीक्षक कर्ण बहादुर वोहराले जानकारी गराउनुभयो । प्रभु खबर
