माघ १७ गते पुष्पकमल दाहाल प्रचण्ड र माधब कुमार नेपाल धनगढी आउने भएका छन्। नेकपा प्रचण्ड–नेपाल समूहले धनगढीमा सरकार विरुद्ध विरोध सभालाई सम्बोधन गर्न अध्यक्षद्धय धनगढी आउन लागेका हुन्।
आइतबार नेकपाले पत्रकार सम्मेलनको आयोजना गर्दै माघ १७ गते हुने विरोध सभाबारे जानकारी गराएको हो। सुदूरपश्चिम इन्चार्ज भीम रावलले विरोध सभालाई पार्टीका अध्यक्षद्धय पुष्पकमल दाहल ‘प्रचण्ड’ र माधवकुमार नेपालले सम्बोधन गर्ने बताए।
विरोध सभा धनगढीको खुलामञ्चमा आयोजना गरिने भएको छ। प्रतिनिधीसभा विघटन गर्ने प्रधानमन्त्री केपी शर्मा ओलीको कमद विरुद्ध सभा आयोजना गर्न लागिएको हो।
(unitykhabar.com बाट साभार)