बैतडी– बैतडीमा निशुल्क बिशेषज्ञ मानसिक स्वास्थ्य शिबिर सञ्चालन हुने भएको छ । स्वास्थ्य कार्यालय बैतडीको आयोजनामा बैतडीको पाटन प्राथमिक स्वास्थ्य केन्द्रमा मानसिक स्वास्थ्य शिबिर सञ्चालन हुने भएको हो । मानसिक समस्या भएका बिरामीहरुको उपचारको लागी शिबिर सञ्चालन गर्न लागिएको स्वास्थ्य कार्यालय बैतडीले जानकारी दिएको छ । बिशेषज्ञ मानसिक स्वास्थ्य शिबिरमा मनोचिकित्सकद्धारा निशुल्क परिक्षण, मनोसामाजिक परामर्श सेवा र निशुल्क औषधी बितरण हुने स्वास्थ्य कार्यालय बैतडीका प्रमुख योगेश प्रसाद भट्टले जानकारी दिनुभएको छ । माघ १० गतेका दिन शिबिर सञ्चालन हुने भएकोले मानसिक स्वास्थ्य सम्बन्धित समस्या भएका ब्यक्तिहरुलाई उक्त सेवा लिन स्वास्थ्य कार्यालयले आग्रह गरेको छ ।radiobaitadi बाट सभार
सिफारिस
