महेन्द्रनगर ।
केन्द्रीय अनुसन्धान ब्यूरो (सिआईबी)का प्रहरी उपरिक्षक (एसपी) उमाप्रसाद चतुरबेदी कञ्चनपुर पुगेका छन् ।
सिआइबीबाट जिल्ला प्रहरी कार्यालय कञ्चनपुरमा सरुवा भएका एसपी चतुरबेदी जिल्लाको सुरक्षाको कमान्ड सम्हाल्न शुक्रवार यहाँ पुगेका हुन । उनलाई डिएसपी अमर थापाले जिल्ला प्रहरी कार्यालय कञ्चनपुरमा स्वागत गरेका थिए ।
जिल्लाको सुरक्षा नेतृत्व सम्हाल्दै एसपी चतुरबेदीले मातहतका सुरक्षाकर्मीसंग सामान्य छलफल पनि गरेका थिए । उनी कञ्चनपुरको चर्चित निर्मला हत्या प्रकरणमा समेत खटिएका अनुसन्धान अधिकृत हुन् ।
एसपी चर्तुवेदी प्रहरी संगठनभित्र राम्रो छाप बनाएका अधिकृत हुन ।
उनले सिरहामा रहँदा उत्कृष्ट प्रहरीको पुरस्कार पाएका थिए । पाँचथरमा भएको ९ जनाको सामूहिक हत्याकाण्डको अनुसन्धानका लागि सीआईबी टोलीको नेतृत्व समेत गरेका थिए ।
कञ्चनपुर प्रहरीका प्रमुख प्रहरी उपरिक्षक (एसपी) मुकुन्द मरासिनीको राष्ट्रिय प्रहरी प्रशिक्षण प्रतिष्ठान महाराजगञ्ज, काठमाडौँ सरुवा भएको थियो ।
चर्चित निर्मला हत्या तथा बलात्कार प्रकरणमा सफलता प्राप्त गर्न नसके पनि एसपी मरासिनीले अन्य जघन्य अपराधको सफल अनुसन्धान गरेर अपराधीलाई कानूनको दायरामा ल्याउन सफल भएका थिए ।
एक वर्षको अवधिमा घटेका छ वटा जघन्य अपराधका घटनामा संलग्न अभियुक्तलाई ७२ घण्टा देखि बढिमा १४ दिन भित्रमा कानूनी दायरामा ल्याउन एसपी मरासिनी नेतृत्वको प्रहरी सफल बनेको थियो ।dainiksanchar बाट सभार
