निड्स नेपालद्धारा कृषकलाई वेमौसमी तरकारी खेतिमा जोड

विश्वव्यापी रुपमा फैलिएको महामारी को विषम परिस्थिति लाई मध्यनजर गर्दै सुदूरपश्चिम प्रदेशका जिल्लामा गैरसरकारी संस्थाले कृषकलाई बेमौसमी तरकारी खेतिमा जोड दिदै आएको छ।युरोपियन यूनियनको आर्थिक सहयोग,ब्रिटिश काउन्सिलको व्यवस्थापनमा निड्स नेपालले संचालन गरेको वजारमा आधारीत प्राविधिक तथा व्यवसायीक सिप (दक्षता) परियोजना बेदकोट न.पा वडा नं ५ धर्मपुरका २० जना युवाहरुलाई ३९० घण्टे वैमौसमी तरकारी खेती तालिम शुक्रबार देखि संचालन भएको परियोजना संयोजक बिनोद कडाराले जानकारी दिएका छन् । तालिममा बेदकोट न.पा र साना किसान कृषि सहकारी संस्था लि.संयुक्त साझेदारी तथा सहकार्य समेत गरिएको छ । तालिम समापन कार्यक्रमको अध्यक्षता बेदकोट न.पा का वडा नं ५ का अध्यक्ष गणेश विक र प्रमुख अतिथी प्रदेश सभा सदस्य लाल बहादुर खडका रहनु भएको थियो ।प्रमुख अतिथी कार्यक्रममा बोल्दै कृषकले आगामी दिनमा अझै राम्रो गर्न सके प्रदेशको तर्फबाट गर्न सकिने सहयोग आफुबाट निरन्तर रहिरहने बताएका छन् । भने तालिमलाई अंगिकार गरी व्यवसायिक बन्नु पर्ने कुरामा पनि जोड दिनु भएको छ।

साना किसान कृषि सहकारी संस्थाका उपाध्यक्ष देवराज जोशी,निड्सका अध्यक्ष अन्जु जोशी भट्टले तालिमको शुभकामना समेत दिनु भएको र तालिममा निड्सका पुष्पा जोशी, तालिम प्रशिक्षक अमर जागरी,सहायक प्रशिक्षक ईशा खत्री, शिक्षक, लगायत अन्यको उपस्थिती रहेको थियो।भने कार्यक्रमको संचालन परियोजना संयोजक विनोद कडाराले गर्नुका साथै स्वागत मन्तव्य साना किसान कृषि सहकारी संस्थाका सदस्य जयराज जोशीले राख्नु भएको परियोजना संयोजक कडाराले बताए।esudurdarpan बाट सभार