- डेढ करोडभन्दा बढी ठगी गरेको आरोपमा एक युवती पक्राउ परेकी छन् ।
- दैलेखका विभिन्न व्यापारी र व्यवसायीहरूबाट डेढ करोडभन्दा बढी ठगी गरेको आरोपमा सुनसरीको इटहरी उपमहानगरपालिका कि विद्या सरकार नाम राखेकी २४ वर्षीया विद्या शर्मालाई प्रहरी हिरासतमा राखि अनुसन्धान सुरु गरेको छ ।
- पालिकासँगको समन्वयमा कोरोना (कोभिड–१९) रोकथामका सामग्री वितरण गरेर स्थानीयलाई प्रभावमा पारि डेढ करोड ठगी गरेको भन्ने उजुरीका आधारमा उनलाई पक्राउ गरिएको दैलेख प्रहरीले जनाएको छ ।
- अन्तर्राष्ट्रिय रेडक्रसको नेपाल प्रतिनिधि भएको बहानामा कोरोना रोकथामका लागि राहत बाँडेको नाममा दैलेखका १० जना युवालाई अमेरिका पठाइदिने भन्दै ८० लाखभन्दा बढी असुलेको र झण्डै त्यति नै मूल्यका सामग्री राहतको नाममा उधारोमा लिइ बाँडेको प्रहरी अनुसन्धानबाट खुलेको जनाइको छ ।
- ठाउँठाउँमा युवाहरूसँग नक्कली विवाह गर्ने, अमेरिका–जापान पठाइदिने बहानामा ती युवतीले ठग्ने गरेको बताइएको छ । सुनसरी, झापालगायत जिल्लामा उनीविरुद्ध उजुरी परे पनि दैलेख प्रहरीको पहलमा काठमाण्डौबाट पक्राउ गरी उनलाई बिहीबार मात्र हवाई जहाजबाट सुर्खेत हुँदै दैलेख लगिएको हो ।
- सुरुमा एक युवालाई फेसबुकमा साथी बनाएकी आरोपित विद्याले उनकै घरमा बस्दै आएको र कोरोना र पहिरो पीडित परिवारहरूलाई राहत सहयोग वितरण गरेर ती युवाको पारिवारिक राजनीतिक पहुँचको सहारामा ठगी गरेको खुलेको प्रहरीले जानएको छ ।सारस
