धनगढी । पार्टी बिवाद फुटको संघारमा पुगेको नेपाल कम्युनिस्ट पार्टी नेकपाको ओली समुहले सुदूरपश्चिम प्रदेश कमिटी सदस्यमा सिफारीस गरेका अपाङ्गता भएका ब्यक्ति सहित कञ्चनपुरका तीन जनाले अस्वीकार गरेका छन् । तत्कालिन माओवादी केन्द्रका कार्यकर्ता रहेका कञ्चनपुरका सुन्दर सिंह बोहरा(टाइगर), बलराम पन्त र जगनी डगौराले संयुक्त विज्ञप्ति निकालेर अस्वीकार गरेको जनाएका हुन् ।
सर्वहारा वर्गको शासनसत्ता ल्याउने उद्देश्यले नेकपामा कृर्याशिल हामीहरु पार्टीमा बिवाद भएपछि आफुहरुलाई कुनै जानकारी नदिई नेकपा (केपी ओली) समुहले प्रदेश कमिटीमा राखेकोप्रति दुख व्यक्त गर्दै उनीहरुले अब उप्रान्त यस्ता भ्रामक कुप्रचार नगर्न नगराउन हुन समेत चेतावनी दिइएको छन् । साथै हामीहरु ओलीको असंबैधानीक कदमका बिरुद्ध श्रद्धेय कमरेड प्रचण्ड र कमरेड माधव नेपाल नेतृत्वको नेपाल कम्युनिस्ट पार्टी(नेकपा) मा मै रहेको जानकारी गराउद्छौं भनेका छन् ।
तत्कालिन माओवादी केन्द्रको भातृसंगठन अनेरास्ववीयू क्रान्तिकारी का केन्द्रीय सदस्य दृष्टिविहिन अपाङ्गता भएका व्यक्ति बलराम पन्त महाधिवेशनवाट निर्वाचित केन्द्रीय सदस्य हुन् भने सुदूरपश्चिममा अपाङ्गता क्षेत्रको उथ्थानमा लागिपरेका छन् ।
(sudurawaj.com बाट साभार)
