नपाएर जवाफ सवालहरू खेर जान्छन् जिन्दगीमा।
मान्छे सफल वा असफल बनेर जान्छन् जिन्दगीमा।
बिचार व्यवहार बुझेको छु नबुझिएको यत्ती हो बस,
मान्छेहरू रातो-रात प्रगति गरेर जान्छन् जिन्दगीमा।
गड्यौलाको मेहनतले माटोको आकर्षक बचेको हो,
बचाउने गड्यौला माटो मै सडेर जान्छन् जिन्दगीमा।
लुछा-चुँडी,हानथाप गर्दै समय घर्कि सक्यो महासय,
मलामी कसले पो सम्पत्ति लगेर जान्छन् जिन्दगीमा।
यहीँ सब नियती हो सायद कोहि इतिहास बनाएर त,
कोहि बनाएको पनि सारा सकेर जान्छन् जिन्दगीमा।
दु:ख लाग्दैन मलाई अब यस्ता नाटकहरूमा किनकी,
फक्रीदै फुलेका फूलहरू त झेरेर जान्छन् जिन्दगीमा।
२०७७/९/२३ महेन्द्रनगर
