सुदूरपश्चिम खबर
sudurpashimkhabar.com

जिल्ला अस्पताल बैतडीमा ७ हजार ५ सय बढी नागरिकको कोरोना परीक्षण !

बैतडी-बैतडीमा ७ हजार ५८९ जनाको पीसीआर विधि मार्फत कोरोना परीक्षण गरिएको छ । गएको चैत देखि अहिले सम्म ७ हजार ५८९ जनाको कोरोना परीक्षण गरिएको स्वास्थ्य कार्यालयले जनाएको छ । ७ हजार ५८९ जनाको परीक्षण गर्दा ६२२ जनामा कोरोना पुष्टि भएको छ ।

अहिले सम्म दशरथचन्द नगरपालिकामा १४८, पाटनमा १०७, मेलौलीमा ४८, सिगासमा ५५ र डिलाशैनीमा २९ जनामा संक्रमण पुष्टि भईसकेको छ । यस्तै सुर्नयामा ४४, पञ्चेश्वरमा ६३, शिवनाथमा ५१, दोगडाकेदारमा ५१ र पुर्चौंडीमा २६ जनामा संक्रमण पुष्टि भईसकेको स्वास्थ्य कार्यालयका स्टाफ नर्स दीपा मौनीले जानकारी दिनुभयो ।

६२२ जनामध्ये अहिले जिल्लामा ४५ जना मात्रै सक्रिय संक्रमित रहेका छन् । सक्रिय संक्रमित मध्ये सबैभन्दा बढी दशरथचन्द नगरपालिकामा २६,पाटन नगरपालिकामा १६, सुर्नया गाउँपालिकामा २ जना र मेलौली नगरपालिकामा १ जना रहेका छन् ।

World Link Ads
Mahakali Polytechnic
Sana Kishan

तत्कालका लागि जिल्लाका ६ स्थानीय तहमा कोरोनाका सक्रिय संक्रमित शुन्य रहेका छन् । जिल्लाको शिवनाथ गाउँपालिका, पञ्चेश्वर गाउँपालिका, सिगास गाउँपालिका, पुर्चौंडी नगरपालिका, डिलाशैनी गाउँपालिका र दोगडाकेदार गाउँपालिमा अहिले सक्रिय संक्रमित नरहेका स्वास्थ्य कार्यालयले जनाएको छ ।

कोरोना भाईरसको संक्रमण समुदायस्तरमै पुगेकाले यसबाट बच्नका लागि स्वास्थ्य सुरक्षा सतर्कताका मापदण्ड अपनाउन स्वास्थ्य कार्यालयका प्रमुख योगेशप्रसाद भट्टले आग्रह गर्नुभएको छ ।

(भगीरथ अवस्थीले ninglashainionline.com मा लेखेका छन्।)

 

Purnagiri Ads
Indreni
सम्वन्धित समाचार
New digital House
जवाफ छाड्नुस्

Your email address will not be published.