बैतडी– बैतडीको पाटनमा ५ दिने अगुवा कृषक तालिम सम्पन्न भएको छ । पञ्चेश्वर गाउँपालिका, शिबनाथ गाउँपालिका र ग्रामीण जलस्रोत ब्यबस्थापन परियोजना बैतडीको आयोजनामा १२ गते देखि सुरु भएको तालिम आज सम्पन्न भएको हो । पोषणमा सुधार ल्याउने र ब्यबसायीक तरकारी खेती तर्फ किसानहरुलाई उन्मुख गराउने मुख्य उदेश्यले तालिम सञ्चालन गरिएको हो । ग्रामीण जलस्रोत ब्यबस्थापन परियोजना पञ्चेश्वर गाउँपालिकाका जलस्रोत अधिकृत पदम चन्दले जानकारी दिनुभएको छ । शिबनाथ गाउँपालिका र पञ्चेश्वर गाउँपालिकाका बिभिन्न टोलहरुमा खानेपानी तथा सरसफाई योजना क्षेत्रभित्र घर बारी ब्यबस्थापन कृषक समुह गठन गरिएका छन ।
तिनै समुह मध्ये १ जना अगुवा कृषक छनौट गरिएका छन । ५ दिने अगुवा कृषक तालिममा बिभिन्न घर बारी ब्यबस्थापन कृषक समुहबाट २३ जना अगुवा कृषकहरुको सहभागीता रहेको जलस्रोत अधिकृत चन्दले बताउनुभयो । पाटनको साईनो होटलमा सम्पन्न तालिम ग्रामीण जलस्रोत ब्यबस्थापन परियोजनाका जिबिको पार्जन बिज्ञ कृष्ण मल्लले सहजीकरण गर्नुभएको थियो । तालिममा खासगरी घर बारी ब्यबस्थापन, गोठे मल ब्यबस्थापन, नर्सरी ब्यबस्थापन र मानब मृत्रको प्रयोगको बारेमा जानकारी दिईएको छ । यस्तै मौसमी तथा बेमौसमी तरकारी खेती, माटोको उर्बरा शक्ति तथा खाद्य तत्व , जवबायु परिर्बतन र तरकारीमा पाईने पोषण तत्व लागयतका बिषयहरुमा प्रशिक्षण दिईएको छ । बिभिन्न बिषयको ज्ञान प्राप्त गरी कृषकहरुलाई आत्मनिर्भर बन्न तालिमले सहयोग पुगाउने बिश्वास लिईएको छ ।
( रेडियो बैतडी बाट साभार)
