Sunday, January 17, 2021

प्रहरी हत्याकाण्ड: रक्सीको मातमा सुकबहादुरले यसरी बनाएका थिए योजना

- Advertisement -

कैलालीको धनगढी उपमहानगरपालिका वडा नम्बर १० जुगेडास्थित सुकबहादुर उर्फ अमर रानाको घरमा गएको कार्तिक १ गते राति स्थानीय नौ जना युवाहरुको जमघट भयो । जमघट गर्नुको कारण थियो राति मटर (केराउ) भारतमा तस्करी गर्ने । मटर भारत तस्करी गर्न मोहना नदी कटाउनुपर्ने थियो, त्यसैका लागि उनले युवाहरुलाई बोलाएका थिए । त्यसैबीच बेलुका सबै मिलेर सुकबहादुरकै घरमा रक्सी पनि खाए, त्यसकै मातमा रमाए ।

रक्सी खाँदै गर्दा मटर नदी कटाउनुपर्ने समय पनि आयो । रक्सीले मातिएका युवाहरुले अवरोध भए प्रहरीलाईसमेत मारिदिने योजनासहित सुकबहादुरकै घरबाट घरेलु हातहतियार पनि संगै लिने योजना बनाए । रक्सीकै मातमा योजना बनाउने काम सुकबहादुरकै थियोे । रक्सीकै नसामा प्रहरी मार्ने योजनासहित गोरु गाढामा मटर लिएर मोहना नदी किनार पुग्दै गर्दा अस्थायी प्रहरी चौकीका इन्चार्ज प्रहरी सहायक निरीक्षक (असई) गोविन्द बिकको कमाण्डमा खटिएको दुई जनाको टोलीले उनीहरुलाई फेला पार्यो । करिब १५ क्वीन्टल मटर लोड गरेर ल्याएको अवस्थामा उनीहरुलाई प्रहरीले फेला पारेको थियो । असई बिकको टोली पनि पूर्व सूचना पाएरनै त्यसलाई रोक्न त्यहाँ पुगेको प्रहरीको भनाई छ ।

मटर तस्करीमा प्रहरी बाधक बनेपछि घरेलु हातहतियारसहित पूर्वतयारीका साथ आएका तस्करहरुको समूह प्रहरीमाथि जाई लाग्यो । प्रहरीले मटर नियन्त्रणमा लिन खोजेपछि उनीहरुले प्रहरीमाथि धारिलो घरेलु हातहतियारले अन्धाधुन्ध प्रहार गरे । घरेलु हतियारसहित गएका नौं जनाको समूहकाबीच दुई जना प्रहरीको केही सीप चलेन । प्रहरीले आफूसंग रहेको पेस्तोल पनि खोल्न पाएनन् ।

मोहना नदी भन्दै करिब दुई पाँच सय मिटर यतै असई विक र उनीसंगै गएका प्रहरी जवान रामबहादुर साउँदको विभत्स हत्या भयो । हत्या गरिसकेपछि तस्करहरुले त्यहाँबाट घिसारेर नदीमा फाल्ने योजना बनाए । तर, नदीले बगाउने अवस्था नभएपछि नदी भित्रै गाडिदिने योजना पनि बन्यो । केही प्रहरीको शव गाड्ने काममा लागे भने केही मटर नदी पार गराएर भारतीय तस्करको जिम्मा लगाउने काममा लागे । तर, उनीहरुले प्रहरी जवानको मात्रै शव नदी भित्र गाडे भने असईको शव गाड्न ढिलो भयो । उनको शव त्यतिकै नदीमै फालेर हिँडे ।

राति डिउटीमा गएका प्रहरी विहानसम्म सम्पर्कमा नआएपछि प्रहरी चौकीले जिल्ला प्रहरीमा जानकारी गरायो । त्यसपछि जिल्ला प्रहरीबाट प्रहरी परिचालन भयो । खोजिका क्रममा असईको शव घोप्टो परेको अवस्थामा कार्तिक २ गते नदीमा भेटियो । तर प्रहरी जवानको शव भने भेटाउन मुस्किल भयो ।

तस्करीको ट्रान्जिट प्वाइन्टमा असई शव हत्या गरिएको अवस्थामा भेटिएपछि प्रहरीलाई तस्करले नै हत्या गरेको हुन सक्ने भनेर अनुमान लगाउन गाह्रो परेन । त्यतिकै बेला प्रहरीले शंकाको भरमा केही व्यक्तिलाई सोही ठाउँबाट नियन्त्रणमा लियो । त्यो बेला पक्राउ परेका आठ जनाले घटनामा संलग्नता भएको स्वीकार गरे । पक्राउ परेकामध्येबाटै एकजनालाई प्रहरी जवानको शव देखाउन दुई दिनपछि घटनास्थलमै लिइयो । प्रहरी जवानको शव नदीमा गाडिएको अवस्थाबाट निकालियो ।

उनीहरुकै आधारमा घटनाको मुख्य योजनाकार सुकबहादुर भएको पत्ता लाग्यो । उनी त्यहीबेलादेखि फरार अवस्थामा थिए । प्रहरीकाअनुसार उनी भारतमा लुकेर बसेका थिए । अहिले उनी भारतबाट नेपाल आइरहेको भन्ने सूचना पाएपछि प्रहरीले उनलाई आइतबार बेलुका ७ बजे फुलबारी क्षेत्रबाट पक्राउ गरेको हो ।

घटना भएको दुई महिनाको अथक प्रयारपछि कैलाली प्रहरी उनलाई पक्राउ गर्न सफल भएको छ । उनलाई सोमबारनै जिल्ला अदालतबाट म्याद थप गरेर प्रहरीले अनुसन्धान अगाडि बढाएको जनाएको छ ।

यसअघि पक्राउ परेका आठ अहिले पुर्पक्षका लागि कारागारमा छन् । हत्या आरोपमा धनगढी उपमहानगरपालिका–१० का राजेन्द्र राना, पर्कु भन्ने रोहित राना, गब्बर भन्ने राजकुमार राना, सुरेश राना, रामनिवास राना, टल्लु भन्ने दलराम राना, गोपाल भन्ने रामगोपाल राना र रोहित रानालाई कारागार चलान गरिएको हो ।

उनीहरु विगतदेखि नै तस्करीमा संलग्न रहँदै आएको प्रहरीको अनुसन्धानबाट देखिएको कैलाली प्रहरी प्रमुख प्रहरी उपरीक्षक अनुपम शमसेर जबराले बताए । उनकाअनुसार सो क्षेत्र नेपाल भारत सामान तस्करी हुने ठाउँ हो । प्रहरी हत्याकाण्डमा संलग्न भएको आरोपमा पक्राउ परेका धनगढीकै राजिप गुप्ता पनि पक्राउ परेका थिए । उनलाई एक लाख ५० हजार रुपैयाँ धरौटीमा रिहा गरिएको छ ।

प्रहरीकाअनुसार घटना भएको दिन भारत तस्करी हुनलागेको मटर गुप्ताको हो । प्रहरीले घटनाबारे अझै अनुसन्धान जारी रहेको जनाएको छ ।

प्रतिक्रिया

- Advertisement -
- Advertisement -

सम्बन्धित समाचार

झुलाघाट नाका थप २ दिनका लागि खुल्ने

बैतडीको झुलाघाट नाका थप २ दिनका लागि ५ र ६ गते खुल्ने भएको छ। साप्ताहिक रुपमा सोमबार र शुक्रबार खुल्दै आएको नाका दुवै देशका स्थानीय...

अवैध लागूऔषधसहित पाँच जनालाई पक्राउ

कैलालीको गोदावरी नगरपालिका–५ गेटास्थित सामुदायिक वनबाट प्रहरीले अवैध लागूऔषधसहित पाँच जनालाई पक्राउ गरेको छ। पक्राउ पर्नेमा सोही ठाउँका २३ वर्षीय किरण बोहरालगायत ५ जना छन्।...

परराष्ट्रमन्त्री ज्ञवाली र भारतीय रक्षामन्त्री सिंहबीच भेटवार्ता

काठमाडौँ – भारतको औपचारिक भ्रमणमा रहेका परराष्ट्रमन्त्री प्रदीपकुमार ज्ञवाली र भारतीय रक्षामन्त्री राजनाथ सिंहबीच शनिबार बिहान भेटवार्ता भएको छ । नयाँदिल्लीस्थित अकबर रोडमा रहेको रक्षामन्त्री...

आज काठमाडौं उपत्यकाका २१ स्थानमा विजुली काटिने (तालिका)

नेपाल विद्युत प्राधिकरणले शनिबार उपत्यकाका विभिन्न क्षेत्रमा विद्युत काटिने जनाएको छ। प्राधिकरणले सटडाउन तालिका जारी गर्दै विद्युत कटौती गर्न लागेको हो। https://youtu.be/ZRAWwAucmh0 प्राधिकरणले बुढानिलकण्ठ सवस्टेशन, महाराजगञ्ज...

घरबाट सरकारी सेवा दिने गरी नागरिक एप सुरु गरिएको प्रधानमन्त्रीको भनाइ

काठमाडौं । प्रधानमन्त्री केपी शर्मा ओलीले सरकारी सेवालाइ पारदर्शी, सहज र सरल बनाउन र घरबाट सरकारी सेवा दिने गरी नागरिक एप सुरु गरिएको बताएका...

घर झगडाले गर्यो पुरै परिवार सखाप !

कालीकोट — भैरे बटाला र लालकौराले विवाह परिवारको राजीखुसीमा गरेका थिएनन् । नरहरिनाथ–७ दुदुल्लीका २९ वर्षीय बटालाले १२ वर्षअघि लालकौरालाई पाल्तीबाट भगाएर लगेका थिए । भित्र्याएको वर्ष...

नेपाल भारतको पहिलो पेट्रोलियम पाइपलाइनबाट डिजेल चोरीको प्रयास !

काठमाडौं । नेपाल भारत पहिलो पेट्रोलियम पाइपलाइनबाट डिजेल चोरीको प्रयास भएको छ । बुधबार बेलुकी भारतीय सुरक्षाकर्मीलाई छलेर चोरहरुले पाइपलाइनमा तीन चोसे गाँस्ने प्रयास...

कञ्चनपुर पुगे एसपी चतुरबेदी

महेन्द्रनगर । केन्द्रीय अनुसन्धान ब्यूरो (सिआईबी)का प्रहरी उपरिक्षक (एसपी) उमाप्रसाद चतुरबेदी कञ्चनपुर पुगेका छन् । सिआइबीबाट जिल्ला प्रहरी कार्यालय कञ्चनपुरमा सरुवा भएका एसपी चतुरबेदी जिल्लाको सुरक्षाको...
- Advertisement -
- Advertisement -
- Advertisement -
- Advertisement -
प्रतिक्रिया