भक्तपुर-नेपाली कांग्रेसका सभापति शेरबहादुर देउवाले अदालतमा विचारधीन मुद्दामा कांग्रेस नबोल्ने बताएका छन्। संसद् विघटनविरुद्ध सडकमा प्रर्दशनका क्रममा देउवाले प्रधानमन्त्रीको कदम असंवैधानिक भएपनि अदालतको पक्षरविपक्षमा कांग्रेसले तर्क नगर्ने उनले बताए।
भक्तपुरको विरोध कार्यक्रममा सहभागी भएका देउवाले भने, ‘अदालतको फैसला मान्दै आएका छौं। अदालतको निर्णय पक्ष÷विपक्ष जे आएपनि हामीले मान्ने छौं।’ विचाराधीन मुद्दामा अदालतलाई ‘यो गररत्यो गर’ भन्न नमिल्ने देउवाको तर्क थियो।
निर्वाचनको पक्षमा रहेको आरोप लाग्दै आएका देउवाले संसद पुनर्स्थापनाको पक्षमा बोलेनन्। तर प्रधानमन्त्रीको कदमलाई उनले असंवैधानिक कदम भन्न छुटाएनन्। असंवैधानिक कदमको विरोधमा कांग्रेस एक्लै सडकमा उत्रने निर्णय केन्द्रीय समितिबाट गर्ने उनले बताए।
सभापति देउवाले प्रधानमन्त्री ओलीको संसद् विघटन गर्ने निर्णय भने असंवैधानिक र अलोकतान्त्रिक भएको बताए । उनले सरकारले संसद् विघटन गरेर निर्वाचनसमेत घोषणा गरिसकेकाले अब कसरी जाने भन्नेबारे छिट्टै केन्द्रीय समितिको बैठकले टुंगो लगाउने बताए ।
सरकारको कदमको विरोध गर्ने तर त्यसबारे अदालतले जस्तो निर्णय दिएपछि स्वीकार गर्ने सभापति देउवाले बताए । ’अदालतमा विचाराधीन मुद्दामा हाम्रो पार्टी केही भन्दैन । हामी अदालतको आदेश मान्नेछौं । देशभरीमा ओलीको असंवैधानिक, अप्रजातान्त्रिक कदमको विरुद्धमा हामी विरोध प्रदर्शन गर्नेछौं,’ देउवाले थपे, ’हाम्रो इच्छाविरुद्ध होस् कि इच्छाअनुसार होस् हामी अदालतको आदेश मान्छौं । (गोदावरी न्युज बाट साभार)
