अत्तरिया : यही पुस १३ गते अत्तरियामा आयोजना गरिने बृहत बिरोध सभाका लागि नेपाली कांग्रेस कैलाली क्षेत्र नम्बर ४ ले बिभिन्न समिति गठन गरेको छ । देशका १ सय ६५ वटै संघीय निर्वाचन क्षेत्रमा विरोध सभा गर्ने कार्यक्रम अन्तरगत कैलाली क्षेत्र नम्बर ४ ले पनि उक्त कार्यक्रमलाई सफल बनाउन समिति गठन गरिएको हो ।
जसका लागि क्षेत्रीय सभापति दिनेश राज जोशीको नेतृत्वमा ६ सदस्यीय आन्दोलन परिचालन समिति गठन गरिएको छ । यस्तै गोदावरी नगर सचीव तेज बहादुर खडकाको नेतृत्वमा ५ सदस्यीय मंच व्यवस्थापन तथा प्रचार–प्रसार समिती गठन गरिएको नेपाली कांग्रेस क्षेत्र नम्बर ४ ले जनाएको छ ।
नेपाली कांग्रेसले संसद् विघटन असंवैधानिक भएको भन्दै पुस १३ गते देशव्यापी विरोध कार्यक्रम गर्न लागेको छ । सोहि कार्यक्रम अन्तरगत नेपाली कांग्रेस क्षेत्र नम्बर ४ ले अत्तरियामा रहेको कार्यालयबाट दिउँसो १२ बजे बिरोध याली निकाल्ने र उक्त याली अत्तरिया चोकमा पुगी कोण सभामा परिणत हुने प्रचार प्रसार समितिका संयोजक खड्का बताए ।
प्रमुख प्रतिपक्षी दल नेपाली कांग्रेसका सभापति शेरबहादुर देउवाले संसद् विघटनको विरोधमा सोमबार देशभर हुने प्रदर्शनमा सहभागी हुन अपील गरेका छन् ।satohimalnews बाट सभार