हिन्दू धर्म अनुसार कुनै युवतीलाई ३२ गुणले युक्त भएको मानिनु भनेको ऊ पूर्ण रुपमा उत्कृष्ट हुनु भन्ने बुझिन्छ । सामाजिक रुपमा पनि ३२ गुणले युक्त भएको या नभएको भन्दै युवतीको तुलना गर्ने चलन पनि रहि आयको छ ।
विवाहका बेला वर र वधुको चिना मिलाउँदा पनि युवतीको गुणलाई महत्त्व दिइएको पाइन्छ । ३२ गुणले युक्त भएकी नारीलाई सर्वश्रेष्ठ नारी मानिन्छ । हिन्दू शास्त्रले कस्ता युवतीलाई ३२ गुणले युक्त भनेको छ त ?
यी हुन सर्वश्रेष्ठ महिलामा हुने ३२ गुणहरु
१: पद्मासनमा बस्दा वृत्ताकार आसनमा हुनु ।
२: हातका औँला लामा–लामा हुनु ।
३: औलाका कापमा छाला विशेष बढी र जोड्दा टम्म मिलेका हुनु ।
४: छाला नरम हुनु र वृद्धावस्थामा पनि युवाको जस्तै तेज हुनु ।
५: शरीरमा विभिन्न किसिमका सुगन्ध हुनु ।
६: हरिणका जस्ता फिला हुनु ।
७: गुप्ताङगहरु गुप्त रहनु ।
८: शरीरको माथिल्लो भाग सलक्क मिलेको हुनु ।
९: शरीरका सम्पुर्ण अङगहरु सुगठित हुनु ।
१०: काँध पुष्ट, चौडा र गोलो आकारमा हुनु ।
११: पाखुरा राम्ररी फर्कने खालको हुनु ।
१२: पाखुरा लामा हुनु ।
१३: सम्पुर्ण शरीर तेजोमय हुनु ।
१४: शंख समान घाँटी हुनु ।
१५: सोझो र सिंहको जस्तो चिउँडो हुनु ।
१६: ३२ वटा दाँत हुनु ।
१७: चम्किला र टमक्क जोडिएका दाँत हुनु ।
१८: समान रुपमा मिलेका दाँत हुनु ।
१९: बङ्गारा स्वच्छ र सुन्दर हुनु ।
२०: जिब्रो लामो हुनु ।
२१: विभिन्न सानोभन्दा सानो स्वाद लिने शक्ति हुनु ।
२२: नरम सुरिलो स्वर हुनु ।
२३: विभिन्न विषयमा ज्ञानको चासो राख्न खोज्नु ।
२४: आफुले गरेका कुरा मा अडिक रहनु ।
२५: आँखीभौँका बीचको रौँ कोमल र सूक्ष्म रेखा हुनु ।
२६: मिलेको सिधा सिल्की कपाल हुनु ।
२७: अल्छी पना नहुनु ।
२८: अरुलाई चाडै प्रभावमा पार्न सक्ने क्षमता हुनु ।
२९: शरीरमा धेरै र परस्पर टाँसिएका नरम र दाहिनेतिर घुमेका रौँ हुनु ।
३०: चमक्क चम्किने केश हुनु ।
३१: लजालु स्वभाव हुनु ।
३२: दुढ अनि दरिलो आत्मविश्वास हुनु ।