कञ्चनपुरको एनआईसी बैंकको शाखामा कार्यरत एक कर्मचारीले आत्महत्या गरेका छन। सिन्धुलीको कमलामई नगरपालिका–१४ रानिबाँस घर भई विगत १० वर्ष देखि एनआईसी बैंकमा काम गर्दै आईरहेका २८ वर्षीय धिरज न्यौपानेले बैक रहेको तेस्रो तला सिद्धार्थ इन्स्योरेन्स लिमिटेडको कार्यालयमा झुण्डिएर आत्महत्या गरेका हुन।
जिल्ला प्रहरी कार्यालय कञ्चनपुरका अनुसार उनको खल्ती बाट सुसाईट नोट भेटिएको छ जसमा आफुले साँचो माया गरेको र मायामा सफल नभए पछि आत्महत्या गरेको लेखिएको छ।
दशैंमा घर आएको बेला डिप्रेशनमा परेको जस्तो देखिए पछि समस्या बुझन दाई भाउजु शुक्रबार कञ्चनपुर आएका थिए। शनिबार आफनो दाई भाउजु सँग महाकाली नदीमा रहेको झुलुङ्ग्े पुल घुम्न गएका थिए । उनले भाउजु सुदिपा वाग्लेलाई आफु प्रेममा परेको कुरा पनि बताएका थिए ।
आज विहान ८ः३० बजे आफनो भाउजु सँग फोनमा सम्पर्क गरेका उनले ९ बजे पछि आत्महत्या गरेको हुन सक्ने आसंका गरिएको छ । अहिले उनको शवलाई पोष्टमार्टमको लागि महाकाली अञ्चल अस्पताल राखिएको छ भने थप अनुसन्धान भई रहेको प्रहरीले जनाएको छ।Mahendranagarpost बाट सभार
