अस्ट्रेलियाविरुद्धको पहिलो टेष्टको आफ्नो दोस्रो ईनिङमा भारतले शर्मनाक ब्याटिङ गरेको छ । जोश हैजलउड र प्याट कमेन्स चम्किएपछि भारत मात्र ३६ रनमै समेटिएको छ। अब यो खेल जित्नको लागि अष्ट्रेलियालाई ९० रनको आवश्यकता छ । भारतका कुनै पनि खेलाडीले दोहोरो रनको स्कोर समेत बनाउन सकेनन् ।
यसअघि घरेलु टोली अस्ट्रेलियाले पहिलो इनिङमा १९१ रन बनाउँदा सबै विकेट गुमाएको थियो । अस्ट्रेलियाका कप्तान टीम पाइनले अविजित ७३ रन बनाउनुबाहेक घरेलु टोलीका अन्य ब्याट्सम्यानले खुलेर खेल्न सकेनन्।
पाइनबाहेक मार्नुस लाबुसेनले ४७ रन बनाए। त्यसपछि मिचेल स्टार्कले १५, टेष्टमा डेब्यू गरेका क्यामरुन ग्रिनले ११ र नाथन लियोनले १० रन बनाउनुबाहेक अन्यले दोहोरो अंकमा रन बनाउन सकेनन्।
दोस्रो दिन सकिँदा दोस्रो इनिङ थालेको भारत ९÷१ को स्थितिमा थियो । पाहुना टोली भारतका बुमराह शुन्य तथा मयांक अग्रवाल पाँच रन बनाएर क्रिजमा थिए । भारतले पहिलो इनिङमा २४४ रन बनाउँदा सबै विकेट गुमाएको थियो। भारतले २३३÷६ को स्थितिबाट दोस्रो दिनको सुरुआत गरेको थियो
