कञ्चनपुर, ०३ पुस । कञ्चनपुर निर्वाचन क्षेत्र नम्बर २ का ७ वटा सामुदायिक विद्यालयहरूमा सूचना प्रविधि प्रयोगशाला स्थापना गरिएको छ । आर्थिक वर्ष २०७५।०७६ को बजेट मार्फत प्रत्येक संघीय निर्वाचन क्षेत्रका ६-६ वटा सामुदायिक विद्यालयहरूमा सूचना प्रविधि प्रयोगशाला स्थापना गर्ने नेपाल सरकार सञ्चार तथा सूचना प्रविधि मन्त्रालयको नीति तथा योजना अन्तर्गत प्रतिनिधि सभा सदस्य नर बहादुर धामीको सिफारिसमा कञ्चनपुर क्षेत्र नम्बर २ का ७ वटा विद्यालयहरूमा प्रयोगशाला स्थापना गरिएको हो ।
कञ्चनपुर क्षेत्र नम्बर २ अन्तर्गत वेदकोट नगरपालिकाका २, शुक्लाफाँटा नगरपालिकाका ३ र कृष्णपुर नगरपालिकाका २ वटा सामुदायिक विद्यालयहरूमा सूचना प्रविधि प्रयोगशाला स्थापना गरिएको प्रतिनिधि सभा सदस्य नर बहादुर धामीले बताउनु भयो । ती मध्ये शुक्लाफाँटा नगरपालिका वडा नम्बर ६ कसरौल स्थित बैजनाथ माध्यमिक विद्यालयमा शुक्रबार एक कार्यक्रमका बीच प्रतिनिधि सभा सदस्य नर बहादुर धामीले सूचना प्रविधि प्रयोगशालाको उद्घाटन गर्नुभएको छ । उहाँका अनुसार, प्रत्येक प्रयोगशालामा २४ थान कम्प्युटर सहित प्रिन्टर, प्रोजेक्टर र सिसिटिभि क्यामेरा समेत जडान गरिएको छ ।nepalbodh बाट सभार
