काठमाडौं,७ मंसिर-
‘फिफा द बेस्ट अवार्ड’ समारोहकाे मिती तय भएकाे छ । काेराेना भाइरसका कारण यसपटक याे अवार्ड डिसेम्बर १७ मा भर्चुअलबाट हुने भएकाे छ ।
विश्व फुटबलको सर्वोच्च निकायले विज्ञप्ति जारी गर्दै ‘फिफा द बेस्ट अवार्ड’ सार्वजनिक स्वास्थ्य सावधानी र विश्व स्वास्थ्यलाई प्राथमिकतामा राख्दै अनलाइनकाे माध्यमबाट गर्ने बताएकाे छ ।
‘फिफा द बेस्ट अवार्ड’ अन्तर्गत फिफाले सर्वश्रेष्ठ पुरुष र महिला खेलाडीसँगै प्रशिक्षक, गोलकिपर, बेस्ट ११, सर्वोत्कृष्ट गोललाई पुरस्कार प्रदान गर्नेछ ।
विजेताकाे निधाे सम्बन्धित राष्ट्रिय टिमका कप्तान र प्रशिक्षक, २०० जना पत्रकारसँगै, फुटबल समर्थकहरुले अनलाईनबाट गरेकाे भाेटिङका आधारमा घाेषणा गरिनेछ । अनलाईन भाेटिङकाे मिती नोभेम्बर २५ बाट सुरु भएर डिसेम्बर ९ मा सकिनेछ ।
यसअघिका बर्षमा सेप्टेम्बरमा आयोजना हुदै आएकाे याे अवार्ड यसपटक काेराेनाका कारण सरेकाे हाे ।ninglashainionline बाट सभार