सशस्त्र प्रहरी बल नेपाल मुख्यालय ७ नम्बर बाहिनीको गोताखोरको टोलीले प्रहरी जवान रामबहादुर साउँदको शव मोहना नदीबाट निकालेको छ । झण्डै ६० घण्टापछि फेला परेको शवसँगै सशस्त्रको टोलीले हतियार पनि फेला पारेको हो ।
झण्डै ६० घण्टापछि फेला परेको प्रहरी जवान रामबहादुर साउदको शव मोहना नदीबाट निकालिएको छ । मंगलबार विहान मोहना नदीमा फेला परेको उनको शव प्रहरीले निकालेको हो । उनको शव पोष्टमार्टमको लागी सेती प्रादेशिक अस्पताल ल्याउने तयारी भइरहेको प्रहरीले जनाएको छ । उनी पनि अस्थायी प्रहरी पोष्ट जुगेडामा कार्यरत प्रहरी जवान हुन् ।
अस्थायी प्रहरी पोष्ट इन्चार्ज एवंं प्रहरी निरीक्षक गोविन्द बिकको शव भेटिएकै क्षेत्रमा जवान साउदको शव फेला परेको सुदूरपश्चिम प्रदेश प्रहरी कार्यालयका प्रवक्ता प्रहरी वरिष्ठ उपरिक्षक मुकेशकुमार सिंहले बताए । उनका अनुसार शवको अधिकांश भाग कुहिएको अवस्थामा फेला परेको छ । उनको टाउकोको पूरै भाग फुटाइएको पाइएको छ ।setikalinews बाट सभार